ಬೆಂಗಳೂರು: ಉಸಿರಾಟದ ತೊಂದರೆ ಸಿಲುಕಿದ್ದ ಅಪರೂಪದ ಸ್ಥಿತಿಯಾದ ಜನ್ಮಜಾತ ಲೋಬಾರ್ ಎಂಫಿಸೆಮಾದಿಂದ ಬಳಲುತ್ತಿದ್ದ 27 ದಿನಗಳ ಗಂಡು ಮಗುವಿಗೆ ಬೆಂಗಳೂರಿನ ಜೆಪಿ ನಗರದ ಆಸ್ಟರ್ ಆರ್‍ವಿ ಆಸ್ಪತ್ರೆಯ ವೈದ್ಯರು ಯಶಸ್ವಿಯಾಗಿ ಚಿಕಿತ್ಸೆ ನೀಡಿದ್ದು, ಮಗು ಗುಣಮುಖವಾಗಿ ಆರೋಗ್ಯವಾಗಿದೆ.
ಉಸಿರಾಟದ ತೊಂದರೆಯಿಂದ ಬಳಲುತ್ತಿದ್ದ 27 ದಿನಗಳ ಗಂಡು ಮಗುವನ್ನು ಆಸ್ಪತ್ರೆಗೆ ಕರೆತರಲಾಯಿತು. ಪರೀಕ್ಷಿಸಿದಾಗ, ಮಗು ಮೂಗಿನ ಉರಿಯೂತ ಮತ್ತು ಇಂಟರ್ ಕೋಸ್ಟಲ್ ರಿಟ್ರ್ಯಾಕ್ಷನ್ನೊಂದಿಗೆ ಎದೆಯ ಬಲಭಾಗದಲ್ಲಿ ಗಾಳಿಯ ಪ್ರವೇಶ ಕಡಿಮೆ ಇತ್ತು. ಹಲವು ಪರೀಕ್ಷೆಗಳ ಬಳಿಕ ಮಗುವಿಗೆ ಜನ್ಮಜಾತ ಲೋಬಾರ್ ಎಂಫಿಸೆಮಾದ ರೋಗನಿರ್ಣಯವನ್ನು ದೃಢಪಡಿಸಿದವು.
ತಕ್ಷಣದ ಆಮ್ಲಜನಕ ಚಿಕಿತ್ಸೆಗಾಗಿ ಮಗುವನ್ನು ತೀವ್ರ ನಿಗಾ ಘಟಕಕ್ಕೆ ದಾಖಲಿಸಲಾಯಿತು. ತ್ವರಿತ ಕ್ರಮ ಕೈಗೊಂಡು, ಮಗುವನ್ನು ಜೀವ ಉಳಿಸುವ ಶಸ್ತ್ರಚಿಕಿತ್ಸೆಗಾಗಿ ಶಸ್ತ್ರಚಿಕಿತ್ಸಾ ಕೊಠಡಿಗೆ ವರ್ಗಾಯಿಸಲಾಯಿತು. ಪೋಸ್ಟರೊ ಲ್ಯಾಟರಲ್ ಥೊರಾಕೊಟಮಿಯೊಂದಿಗೆ ಕಾರ್ಯವಿಧಾನವನ್ನು ನಡೆಸಲಾಯಿತು ಎಂದು ತಿಳಿಸಲಾಗಿದೆ.
ಮಕ್ಕಳ ಶಸ್ತ್ರಚಿಕಿತ್ಸೆ ವಿಭಾಗದ ಹಿರಿಯ ಸಮಾಲೋಚಕ ಡಾ.ಧೀರಜ್ ಬಾಲಾಜಿ, ಇಪ್ಪತ್ತೇಳು ದಿನಗಳ ಮಗುವಿಗೆ ಶಸ್ತ್ರಚಿಕಿತ್ಸೆ ನಡೆಸುವಾಗ ನಾವು ಅರಿವಳಿಕೆ ಸವಾಲುಗಳನ್ನು ಎದುರಿಸಬೇಕಾಯಿತು. ರಿಲ್ಯಾಕ್ಸಂಟ್ ನೀಡಿದ ಕ್ಷಣವೇ ಮಗು ಕುಸಿದು ಬೀಳಬಹುದು. ಅದು ಎಚ್ಚರವಾದ ಅರಿವಳಿಕೆಯಂತಿತ್ತು. ನಿದ್ರೆಗೆ ಜಾರಿದ ನಂತರ, ಮಗುವಿನ ಎದೆಯನ್ನು ತೆರೆದು ಅತ್ಯಂತ ಸೂಕ್ಷ್ಮ ಶಸ್ತ್ರ ಚಿಕಿತ್ಸೆ ಬಳಿಕ ಮಗು ಚೇತರಿಸಿಕೊಂಡಿದೆ ಎಂದರು.
ಈ ಪ್ರಕರಣವು 10ಸಾವಿರದಲ್ಲಿ ಒಂದು, ಇದು ಅಪರೂಪದ ಮತ್ತು ಸಂಕೀರ್ಣ ಕಾರ್ಯವಿಧಾನ. ಪೋಷಕರು ಇನ್ನೂ ಎರಡು-ಮೂರು ದಿನ ವಿಳಂಬ ಮಾಡಿದ್ದರೆ ಮಗು ಬದುಕುಳಿಯುತ್ತಿರಲಿಲ್ಲ. ಲೋಬ್ನ ಒಂದು ಭಾಗವನ್ನು ತೆಗೆದುಹಾಕುವುದರೊಂದಿಗೆ, ಮಗು ಇನ್ನು ಸಾಮಾನ್ಯ ಚಟುವಟಿಕೆಗಳನ್ನು ಮಾಡಬಹುದು ಮತ್ತು ದೀರ್ಘಾವಧಿಯಲ್ಲಿಯೂ ಜೀವನದ ಮೇಲೆ ಪರಿಣಾಮ ಬೀರುವುದಿಲ್ಲ ಎಂದು ಅವರು ತಿಳಿಸಿದರು.
