ಬೆಂಗಳೂರು: ಅಮೆರಿಕದ ಇ-ಕಾಮರ್ಸ್ ದೈತ್ಯ ಸಂಸ್ಥೆ Amazon ಉತ್ತರ ಬೆಂಗಳೂರಿನಲ್ಲಿ ಹೊಸ ಕಚೇರಿ ಕ್ಯಾಂಪಸ್ನ್ನು ಉದ್ಘಾಟಿಸಿದೆ. ಇದರಿಂದ ಭಾರತದಲ್ಲಿ ಹೂಡಿಕೆಯನ್ನು ಇನ್ನಷ್ಟು ಬಲಪಡಿಸಿದೆ. ಏಷ್ಯಾದಲ್ಲಿನ ಅಮೆಜಾನ್ನ ಎರಡನೇ ಅತಿ ದೊಡ್ಡ ಕಚೇರಿ ಎಂಬ ಹೆಗ್ಗಳಿಕೆಗೆ ಪಾತ್ರವಾದ ಈ ಕೇಂದ್ರವು 11 ಲಕ್ಷ ಚದರ ಅಡಿ ವಿಸ್ತೀರ್ಣ ಹೊಂದಿದ್ದು, ವಿವಿಧ ವ್ಯವಹಾರ ಘಟಕಗಳಲ್ಲಿ 7,000ಕ್ಕೂ ಹೆಚ್ಚು ಉದ್ಯೋಗಿಗಳಿಗೆ ಅವಕಾಶ ಒದಗಿಸಲಿದೆ.
ಈ 12 ಮಹಡಿ ಕಟ್ಟಡವು ಯಲಹಂಕದ ಕಟ್ಟಿಗೇನಹಳ್ಳಿ ಸಮೀಪ, ಕೆಂಪೇಗೌಡ ಅಂತಾರಾಷ್ಟ್ರೀಯ ನಿಲ್ದಾಣ ಸಮೀಪ ಐದು ಎಕರೆ ಪ್ರದೇಶದಲ್ಲಿ ನಿರ್ಮಿಸಲಾಗಿದೆ. ಉತ್ತರ ಬೆಂಗಳೂರಿನ ವೇಗವಾಗಿ ಬೆಳೆಯುತ್ತಿರುವ ವ್ಯಾಪಾರ ವಲಯದಲ್ಲಿರುವ ಈ ಕ್ಯಾಂಪಸ್ ಮಹತ್ವದ ಕೇಂದ್ರವಾಗಲಿದೆ.
ಬೆಂಗಳೂರು ಕಾರ್ಯಾಚರಣೆಗಳಿಗೆ ದೊಡ್ಡ ಉತ್ತೇಜನ
ಹೊಸ ಕ್ಯಾಂಪಸ್ನಲ್ಲಿ ಇ-ಕಾಮರ್ಸ್, ಕಾರ್ಯನಿರ್ವಹಣೆ, ಪಾವತಿಗಳು, ತಂತ್ರಜ್ಞಾನ ಮತ್ತು ಮಾರಾಟಗಾರರ ಸೇವೆಗಳ ತಂಡಗಳು ಕಾರ್ಯನಿರ್ವಹಿಸಲಿವೆ. ಇದು ಭಾರತವನ್ನು ದೀರ್ಘಕಾಲೀನ ಬೆಳವಣಿಗೆಯ ಮಾರುಕಟ್ಟೆಯಾಗಿ ಪರಿಗಣಿಸುವ ಅಮೆಜಾನ್ನ ಬದ್ಧತೆಯನ್ನು ತೋರಿಸುತ್ತದೆ.
ಅಮೆಜಾನ್ ನ 12 ಮಹಡಿ ಕಟ್ಟಡವು ಯಲಹಂಕದ ಕಟ್ಟಿಗೇನಹಳ್ಳಿ ಸಮೀಪ, ಕೆಂಪೇಗೌಡ ಅಂತಾರಾಷ್ಟ್ರೀಯ ನಿಲ್ದಾಣ ಸಮೀಪ ಐದು ಎಕರೆ ಪ್ರದೇಶದಲ್ಲಿ ನಿರ್ಮಿಸಲಾಗಿದೆ. ಉತ್ತರ ಬೆಂಗಳೂರಿನ ವೇಗವಾಗಿ ಬೆಳೆಯುತ್ತಿರುವ ವ್ಯಾಪಾರ ವಲಯದಲ್ಲಿರುವ ಈ ಕ್ಯಾಂಪಸ್ ಮಹತ್ವದ ಕೇಂದ್ರವಾಗಲಿದೆ. @XpressBengaluru @NewIndianXpress pic.twitter.com/iUzGPTYC0T
— kannadaprabha (@KannadaPrabha) February 24, 2026
ಅಮೆಜಾನ್ ಇಂಡಿಯಾ ದೇಶ ವ್ಯವಸ್ಥಾಪಕ ಸಮೀರ್ ಕುಮಾರ್, ಭಾರತ ಅಮೆಜಾನ್ಗೆ ಪ್ರಮುಖ ಆದ್ಯತೆ ದೇಶವಾಗಿದೆ. ನಮ್ಮ ಆರಂಭಿಕ ತಂತ್ರಜ್ಞಾನ ಮತ್ತು ವ್ಯವಹಾರ ತಂಡಗಳಿಗೆ ಬೆಂಗಳೂರು ಪ್ರಮುಖ ಕೇಂದ್ರವಾಗಿತ್ತು. ಇಂದಿಗೂ ನವೀನತೆ ಹಾಗೂ ಪ್ರತಿಭೆಯ ಪ್ರಮುಖ ಹಬ್ ಆಗಿದೆ ಎಂದು ಹೇಳಿದರು.
ಈ ಕ್ಯಾಂಪಸ್ ಉದ್ಘಾಟನಾ ಸಮಾರಂಭದಲ್ಲಿ ಬೃಹತ್ ಮತ್ತು ಮಧ್ಯಮ ಕೈಗಾರಿಕೆ ಹಾಗೂ ಮೂಲಸೌಕರ್ಯ ಅಭಿವೃದ್ಧಿ ಸಚಿವ ಡಾ. ಎಂ.ಬಿ. ಪಾಟೀಲ್ ಉಪಸ್ಥಿತರಿದ್ದರು.
ಅಮೆಜಾನ್ ಇಂಡಿಯಾ ದೇಶ ವ್ಯವಸ್ಥಾಪಕ ಸಮೀರ್ ಕುಮಾರ್ ಮಾತನಾಡಿ, ಭಾರತ ಅಮೆಜಾನ್ಗೆ ದೀರ್ಘಕಾಲೀನ ಆದ್ಯತೆಯಾಗಿದೆ. ನಮ್ಮ ಆರಂಭಿಕ ತಂತ್ರಜ್ಞಾನ ಮತ್ತು ವ್ಯವಹಾರ ತಂಡಗಳಿಗೆ ಬೆಂಗಳೂರು ಪ್ರಮುಖ ಕೇಂದ್ರವಾಗಿತ್ತು ಮತ್ತು ಇಂದಿಗೂ ನವೀನತೆ ಹಾಗೂ ಪ್ರತಿಭೆಯ ಪ್ರಮುಖ ಹಬ್ ಆಗಿದೆ ಎಂದು ಹೇಳಿದರು.
ಈ ಕ್ಯಾಂಪಸ್ ಉದ್ಘಾಟನಾ ಸಮಾರಂಭದಲ್ಲಿ ಕರ್ನಾಟಕದ ದೊಡ್ಡ ಮತ್ತು ಮಧ್ಯಮ ಕೈಗಾರಿಕೆ ಹಾಗೂ ಮೂಲಸೌಕರ್ಯ ಅಭಿವೃದ್ಧಿ ಸಚಿವ ಡಾ. ಎಂ.ಬಿ. ಪಾಟೀಲ್ ಉಪಸ್ಥಿತರಿದ್ದರು.
ಏಷ್ಯಾದ ಎರಡನೇ ಅತಿ ದೊಡ್ಡ ಕಚೇರಿ
ಅಮೆಜಾನ್ನ ಏಷ್ಯಾದ ಅತಿ ದೊಡ್ಡ ಕಚೇರಿ 2019ರಲ್ಲಿ ಹೈದರಾಬಾದ್ನ ನಾನಕ್ರಾಮಗುಡದಲ್ಲಿ ಉದ್ಘಾಟಿಸಲ್ಪಟ್ಟಿದ್ದು, ಅದು 18 ಲಕ್ಷ ಚದರ ಅಡಿ ವಿಸ್ತೀರ್ಣ ಹೊಂದಿದ್ದು, 15,000ಕ್ಕೂ ಹೆಚ್ಚು ಉದ್ಯೋಗಿಗಳನ್ನು ಹೊಂದಿದೆ. ಈಗ ಬೆಂಗಳೂರಿನ ಹೊಸ ಕ್ಯಾಂಪಸ್ ಸೇರ್ಪಡೆಯೊಂದಿಗೆ ಭಾರತದ ತಂತ್ರಜ್ಞಾನ ರಾಜಧಾನಿಯಲ್ಲಿ ಅಮೆಜಾನ್ ತನ್ನ ಹಾದಿಯನ್ನು ಇನ್ನಷ್ಟು ವಿಸ್ತರಿಸಿದೆ.
ಭಾರತ ಪ್ರವೇಶಿಸಿದ ನಂತರ ಅಮೆಜಾನ್ ದೇಶದಲ್ಲಿ 40 ಬಿಲಿಯನ್ ಡಾಲರ್ಗಿಂತ ಹೆಚ್ಚು ಹೂಡಿಕೆ ಮಾಡಿದ್ದು, 2030ರೊಳಗೆ ಹೆಚ್ಚುವರಿ 35 ಬಿಲಿಯನ್ ಡಾಲರ್ ಹೂಡಿಕೆ ಮಾಡುವ ಯೋಜನೆ ಪ್ರಕಟಿಸಿದೆ.
ಟೆಕ್ ಹಬ್ ಆಗಿ ಬೆಂಗಳೂರಿನ ಸ್ಥಾನ ಬಲಪಡಿಕೆ
ಅಮೆರಿಕದಲ್ಲಿ ಹೆಚ್-1 ಬಿ ವೀಸಾ ನಿಯಮಗಳು ಕಠಿಣವಾಗುತ್ತಿರುವ ಹಿನ್ನೆಲೆಯಲ್ಲಿ ಅನೇಕ ಬಹುರಾಷ್ಟ್ರೀಯ ಕಂಪನಿಗಳು ಭಾರತದಲ್ಲಿ ವಿಶೇಷವಾಗಿ ಬೆಂಗಳೂರಿನಲ್ಲಿ ತಮ್ಮ ಕಾರ್ಯಾಚರಣೆಗಳನ್ನು ವಿಸ್ತರಿಸುತ್ತಿವೆ.
ಇತ್ತೀಚೆಗೆ AI ಕಂಪನಿ Anthropic ಬೆಂಗಳೂರಿನಲ್ಲಿ ಕಚೇರಿ ಆರಂಭಿಸಿದ್ದು, ಜಪಾನ್ ನಂತರದ ತನ್ನ ಎರಡನೇ ಏಷ್ಯನ್ ಹಾಜರಾತಿಯಾಗಿದೆ. ಸರ್ಚ್ ಎಂಜಿನ್ ದೈತ್ಯ ಗೂಗಲ್ ಬೆಂಗಳೂರಿನಲ್ಲಿ ಸುಮಾರು 24 ಲಕ್ಷ ಚದರ ಅಡಿ ಕಚೇರಿ ಸ್ಥಳವನ್ನು ಲೀಸ್ಗೆ ಪಡೆದಿದೆ. ಇದೇ ವೇಳೆ OpenAI ಈ ವರ್ಷಾಂತ್ಯದಲ್ಲಿ ಬೆಂಗಳೂರಿನಲ್ಲಿ ಕಚೇರಿ ಆರಂಭಿಸುವ ಯೋಜನೆ ಹೊಂದಿದೆ.
ಈ ಹೂಡಿಕೆಗಳು ಬೆಂಗಳೂರನ್ನು ಭಾರತದ ‘ಸಿಲಿಕಾನ್ ವ್ಯಾಲಿ’ಯಾಗಿ ಮತ್ತಷ್ಟು ಬಲಪಡಿಸುತ್ತಿವೆ.
ಸರ್ಕಾರದ ಸ್ವಾಗತ
ಸಚಿವ ಡಾ. ಎಂ.ಬಿ. ಪಾಟೀಲ್, ಅಮೆಜಾನ್ನ ನಿರಂತರ ಹೂಡಿಕೆ ಭಾರತವನ್ನು ಜಾಗತಿಕ ತಂತ್ರಜ್ಞಾನ ಮತ್ತು ನಾವೀನ್ಯತಾ ಕೇಂದ್ರವನ್ನಾಗಿ ರೂಪಿಸುತ್ತಿರುವುದನ್ನು ತೋರಿಸುತ್ತದೆ. ಇಂತಹ ದೊಡ್ಡ ಕ್ಯಾಂಪಸ್ಗಳು ಉತ್ತಮ ಗುಣಮಟ್ಟದ ಉದ್ಯೋಗಾವಕಾಶಗಳನ್ನು ಸೃಷ್ಟಿಸಿ, ಸ್ಥಳೀಯ ಪರಿಸರ ವ್ಯವಸ್ಥೆಯನ್ನು ಬಲಪಡಿಸುತ್ತವೆ ಎಂದು ಹೇಳಿದರು.
ಹೊಸ ಕ್ಯಾಂಪಸ್ ನವೀನತೆ ಮತ್ತು ಉದ್ಯೋಗಿಗಳ ಕಲ್ಯಾಣಕ್ಕೆ ಅನುಕೂಲವಾಗುವಂತೆ ವಿನ್ಯಾಸಗೊಳಿಸಲಾಗಿದೆ. ಉತ್ಪನ್ನ ಅಭಿವೃದ್ಧಿ, ತಂತ್ರಜ್ಞಾನ ನವೀನತೆ ಮತ್ತು ಗ್ರಾಹಕ ಪರಿಹಾರಗಳಲ್ಲಿ ಈ ಕಚೇರಿ ಪ್ರಮುಖ ಪಾತ್ರ ವಹಿಸಲಿದೆ.
ಕರ್ನಾಟಕದೊಂದಿಗೆ ಎರಡು ದಶಕಗಳ ಬಾಂಧವ್ಯ ಹೊಂದಿರುವ ಕಂಪನಿಯು ಮುಂದಿನ 4 ವರ್ಷಗಳಲ್ಲಿ ಭಾರತದಲ್ಲಿ 35 ಬಿಲಿಯನ್ (ಸುಮಾರು 2.9 ಲಕ್ಷ ಕೋಟಿ ರೂಪಾಯಿ) ಡಾಲರ್ ಬಂಡವಾಳ ಹೂಡಿಕೆ ಮಾಡಲಿದೆ. ಇದರಿಂದ 15 ಮಿಲಿಯನ್ ಸಣ್ಣ ಉದ್ಯಮಗಳಿಗೆ ನೆರವು ಸಿಗಲಿದ್ದು, ಲಕ್ಷಾಂತರ ಉದ್ಯೋಗಗಳು ಸೃಷ್ಟಿಯಾಗಲಿವೆ. ಇದರಲ್ಲಿ ರಾಜ್ಯಕ್ಕೆ ಗಮನಾರ್ಹ ಪಾಲು ಹರಿದು ಬರಲಿದೆ.
7,000ಕ್ಕೂ ಹೆಚ್ಚು ಉದ್ಯೋಗಿಗಳು ಕಾರ್ಯನಿರ್ವಹಿಸಲಿರುವ ಈ ವಿಸ್ತರಣೆ, ಇತ್ತೀಚಿನ ದಿನಗಳಲ್ಲಿ ಬೆಂಗಳೂರಿನಲ್ಲಿ ನಡೆದ ಬಹುರಾಷ್ಟ್ರೀಯ ಕಂಪನಿಯ ಅತಿ ದೊಡ್ಡ ಕಚೇರಿ ವಿಸ್ತರಣೆಗಳಲ್ಲಿ ಒಂದಾಗಿದೆ. ಜಾಗತಿಕ ಡಿಜಿಟಲ್ ಆರ್ಥಿಕತೆಯಲ್ಲಿ ಬೆಂಗಳೂರಿನ ಸ್ಥಾನವನ್ನು ಅಮೆಜಾನ್ನ ಈ ಹೂಡಿಕೆ ಮತ್ತಷ್ಟು ಬಲಪಡಿಸಿದೆ.