ಕೋವಿಡ್ -19 ನೊಂದಿಗೆ ಚೀನಾ ಎದುರಿಸುತ್ತಿರುವ ಸವಾಲುಗಳ ಹೊರತಾಗಿಯೂ ಚೀನಾದ ನಾಯಕ ಕ್ಸಿ ಜಿನ್ಪಿಂಗ್( Xi Jinping) ಪಾಶ್ಚಿಮಾತ್ಯ ಲಸಿಕೆಗಳನ್ನು ಸ್ವೀಕರಿಸಲು ಸಿದ್ಧರಿಲ್ಲ, ಮತ್ತು ಇತ್ತೀಚಿನ ಪ್ರತಿಭಟನೆಗಳಿಂದ ಕಮ್ಯುನಿಸ್ಟ್ ಪಕ್ಷದ ಆಡಳಿತಕ್ಕೆ ಬೆದರಿಕೆ ಇಲ್ಲದಿದ್ದರೂ, ಅವು ಅವರ ವೈಯಕ್ತಿಕ ನಿಲುವಿನ ಮೇಲೆ ಪರಿಣಾಮ ಬೀರಬಹುದು ಎಂದು ಯುಎಸ್ ರಾಷ್ಟ್ರೀಯ ಗುಪ್ತಚರ ನಿರ್ದೇಶಕ ಅವ್ರಿಲ್ ಹೈನ್ಸ್ ಹೇಳಿದ್ದಾರೆ.
ಚೀನಾದಲ್ಲಿ ದೈನಂದಿನ ಕೋವಿಡ್ ಪ್ರಕರಣಗಳು ಸಾರ್ವಕಾಲಿಕ ಗರಿಷ್ಠ ಮಟ್ಟದಲ್ಲಿದ್ದರೂ, ಕ್ಸಿ ಅವರ ಶೂನ್ಯ-ಕೋವಿಡ್ ನೀತಿಯು ತೀವ್ರ ಆರ್ಥಿಕ ಕುಸಿತ ಮತ್ತು ಸಾರ್ವಜನಿಕ ಅಶಾಂತಿಯನ್ನುಂಟು ಮಾಡುತ್ತಿದೆ.
ಕ್ಯಾಲಿಫೋರ್ನಿಯಾದ ವಾರ್ಷಿಕ ರೇಗನ್ ರಾಷ್ಟ್ರೀಯ ರಕ್ಷಣಾ ವೇದಿಕೆಯಲ್ಲಿ ಮಾತನಾಡಿದ ಹೈನ್ಸ್, ವೈರಸ್‌ನ ಸಾಮಾಜಿಕ ಮತ್ತು ಆರ್ಥಿಕ ಪ್ರಭಾವದ ಹೊರತಾಗಿಯೂ, ಕ್ಸಿ ಪಶ್ಚಿಮದಿಂದ ಉತ್ತಮ ಲಸಿಕೆ ತೆಗೆದುಕೊಳ್ಳಲು ಸಿದ್ಧರಿಲ್ಲ.
ಚೀನಾದಲ್ಲಿ ಅಧ್ಯಕ್ಷರಾಗಿ 69 ವರ್ಷದ ಷಿ ಜಿನ್ಪಿಂಗ್ ಸತತ 3ನೇ ಬಾರಿಗೆ ಪುನರಾಯ್ಕೆಯಾಗಿದ್ದಾರೆ. ಅಧಿಕಾರದ ಚುಕ್ಕಾಣಿ ಹಿಡಿಯುತ್ತಿದ್ದಂತೆ ಕೋವಿಡ್, ಲಾಕ್ಡೌನ್ ಅಂತಾ ಹಲವು ಸವಾಲುಗಳು ನೂತನ ಅಧ್ಯಕ್ಷರ ಮುಂದಿವೆ. ಆದರೆ ಇದೇ ಸಮಯದಲ್ಲಿ ಜನ ಸಹ ಇವರ ವಿರುದ್ಧ ಪ್ರತಿಭಟನೆಗೆ ಇಳಿದಿದ್ದಾರೆ. ಅಧಿಕಾರದಿಂದ ಕೆಳಗಿಳಿಯಬೇಕು ಎಂದು ಧಿಕ್ಕಾರಗಳು ಕೇಳಿ ಬರುತ್ತಿವೆ. ಅಷ್ಟೆ ಅಲ್ಲ ಕೆಲವರು ಶ್ವೇತ ಪತ್ರ ಹಿಡಿದು ಸಹ ಧರಣಿ ಮಾಡುತ್ತಿದ್ದಾರೆ.
ದೇಶದಲ್ಲಿ ಕೋವಿಡ್ ಹೆಚ್ಚಳದಿಂದಾಗಿ ಆರ್ಥಿಕ ಕೇಂದ್ರ ಶಾಂಘೈ ಸೇರಿದಂತೆ ಅನೇಕ ನಗರಗಳಲ್ಲಿ ಲಾಕ್ಡೌನ್ ಘೋಷಿಸಲಾಗಿದೆ. ಸರ್ಕಾರದ ಕಠಿಣ ಶೂನ್ಯ-ಕೋವಿಡ್ ನೀತಿಗೆ ಸಾರ್ವಜನಿಕ ವಿರೋಧ ಹೆಚ್ಚಾಗಿದೆ. ಇನ್ನೂ ಇದೇ ವೇಳೆ ಕ್ಸಿನ್‌ಜಿಯಾಂಗ್ ಪ್ರದೇಶದ ರಾಜಧಾನಿ ಉರುಮ್ಕಿಯಲ್ಲಿನ ಬಹುಮಹಡಿ ಕಟ್ಟಡಕ್ಕೆ ಬೆಂಕಿ ಬಿದ್ದು 10 ಜನ ಮೃತಪಟ್ಟಿದ್ದಾರೆ. ಕಟ್ಟಡವು ಭಾಗಶಃ ಲಾಕ್ಡೌನ್ ಆಗಿರುವುದರಿಂದ ನಿವಾಸಿಗಳು ಸಮಯಕ್ಕೆ ತಪ್ಪಿಸಿಕೊಳ್ಳಲು ಸಾಧ್ಯವಾಗಲಿಲ್ಲ ಎಂಬ ಮಾತು ಕೇಳಿ ಬರುತ್ತಿದೆ. ಈ ಘಟನೆಯಿಂದಾಗಿ ಜನ ಮತ್ತಷ್ಟು ಆಕ್ರೋಶ ವ್ಯಕ್ತಪಡಿಸಿದ್ದು, ಸರ್ಕಾರದ ವಿರುದ್ಧ ಕೆಂಡಕಾರುತ್ತಿದ್ದಾರೆ.
ಚೀನಾವು ಯಾವುದೇ ವಿದೇಶಿ ಕೋವಿಡ್ ಲಸಿಕೆಗಳನ್ನು ಅನುಮೋದಿಸಿಲ್ಲ, ದೇಶೀಯವಾಗಿ ಉತ್ಪಾದಿಸುವ ಲಸಿಕೆಗಳನ್ನು ಆರಿಸಿಕೊಂಡಿದೆ, ಕೆಲವು ಅಧ್ಯಯನಗಳು ಸೂಚಿಸಿರುವ ಕೆಲವು ವಿದೇಶಿ ಲಸಿಕೆಗಳಂತೆ ಪರಿಣಾಮಕಾರಿಯಲ್ಲ ಎಂದು ಹೇಳಲಾಗಿದೆ.
ಅಂತಾರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
