ಚಿಂಚೋಳಿ (ಕಲಬುರಗಿ):
ತಾಲೂಕಿನ ಪಟಪಳ್ಳಿ ಗ್ರಾಮದಲ್ಲಿ ಅಣ್ಣ, ತಂಗಿ ರವಿವಾರ ರಾತ್ರಿ ಬಾವಿಯಲ್ಲಿ ಬಿದ್ದು ಮೃತಪಟ್ಟಿದ್ದು, ಘಟನೆ ಸೋಮವಾರ ಬೆಳಕಿಗೆ ಬಂದಿದೆ.
![Kalaburagi: Elder brother went to save his younger sister who jumped into the well, both died | ಬಾವಿಗೆ ಜಿಗಿದ ತಂಗಿಯನ್ನು ಕಾಪಾಡಲು ಹೋದ ಅಣ್ಣ, ಇಬ್ಬರೂ ಮೃತ್ಯು 1 Kalaburagi: Elder brother went to save his younger sister who jumped into the well, both died](https://kannada.thebengalurulive.com/wp-content/uploads/2024/01/Screenshot-2024-01-30-114721.png)
ಸಂದೀಪ್ (23) ಹಾಗೂ ನಂದಿನಿ (19)ಯನ್ನು ಮೃತ ಅಣ್ಣ- ತಂಗಿ ಎಂದು ಗುರುತಿಸಲಾಗಿದೆ. ನಂದಿನಿ ಸಣ್ಣ ಸಣ್ಣ ವಿಚಾರಕ್ಕೂ ಹಠ ಮಾಡುತ್ತಿದ್ದಳು. ಪಿಯುಸಿ ನಂತರ ಓದನ್ನು ಮಧ್ಯದಲ್ಲೇ ನಿಲ್ಲಿಸಿದ್ದಳು. ಕಾಲೇಜಿಗೆ ಹೋಗು ಎಂದರೂ ಆಕೆ ಕೇಳದಿರುವುದಕ್ಕೆ ಮನೆಯಲ್ಲಿ ರವಿವಾರ ರಾತ್ರಿ ಜಗಳವಾಗಿದೆ ಎಂದು ತಿಳಿದು ಬಂದಿದೆ.
ಘಟನೆಯಿಂದ ನೊಂದ ನಂದಿನಿ ಮನೆಯ ಪಕ್ಕದ ಬಾವಿಗೆ ಜಿಗಿದಿದ್ದಾಳೆ. ಇದನ್ನು ಗಮನಿಸಿದ ಅಣ್ಣನೂ ಬಾವಿಗೆ ಹಾರಿದ್ದಾನೆ. ಪರಿಣಾಮ ಇಬ್ಬರಿಗೂ ಈಜು ಬಾರದೇ ಇರುವುದರಿಂದ ಮುಳುಗಿ ಮೃತಪಟ್ಟಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.