ಬೆಂಗಳೂರು, ಮಾ.28 (ಕರ್ನಾಟಕ ವಾರ್ತೆ): 2024-25ನೇ ಆರ್ಥಿಕ ವರ್ಷಾಂತ್ಯದ ದಿನಗಳಾದ ದಿನಾಂಕ:30-03-2025 (ಭಾನುವಾರ / ಚಾಂದ್ರಮಾನ ಯುಗಾದಿ) ಹಾಗೂ ದಿನಾಂಕ: 31-03-2025 (ರಂಜಾನ್) ಸಾರ್ವತ್ರಿಕ ರಜಾ ದಿನಗಳಾಗಿದ್ದರೂ, ತೆರಿಗೆ ಪಾವತಿದಾರರ ಅನುಕೂಲಕ್ಕಾಗಿ ಸದರಿ ದಿನಗಳಂದು ವಾಣಿಜ್ಯ ತೆರಿಗೆಗಳ ಇಲಾಖೆಯ ಎಲ್ಲಾ ಕಛೇರಿಗಳು ಕಾರ್ಯನಿರ್ವಹಿಸಲಿವೆ. ತೆರಿಗೆ ಪಾವತಿದಾರರು ಈ ಸದಾವಕಾಶವನ್ನು ಬಳಸಿಕೊಂಡು ತೆರಿಗೆ ಪಾವತಿಸಬಹುದು ಎಂದು ವಾಣಿಜ್ಯ ತೆರಿಗೆಗಳ ಇಲಾಖೆಯ ಆಯುಕ್ತರಾದ ವಿಪುಲ್‌ ಬನ್ಸಾಲ್ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
