ಬೆಂಗಳೂರು, ಮಾರ್ಚ್ 9: ಅಗ್ನಿಪಥ ಯೋಜನೆಯಡಿ 2027 ನೇ ನೇಮಕಾತಿ ವರ್ಷದ ಅಗ್ನಿವೀರ್ ಹುದ್ದೆಗಳಿಗಾಗಿ ನಡೆಯುವ ಕಾಮನ್ ಎಂಟ್ರನ್ಸ್ ಪರೀಕ್ಷೆಗೆ (CEE) ಆನ್ಲೈನ್ ನೋಂದಣಿ ಪ್ರಕ್ರಿಯೆ ಆರಂಭವಾಗಿದೆ. ಈ ಪ್ರಕ್ರಿಯೆ ಫೆಬ್ರವರಿ 13, 2026 ರಿಂದ ಪ್ರಾರಂಭವಾಗಿ ಏಪ್ರಿಲ್ 1, 2026ರವರೆಗೆ ನಡೆಯಲಿದೆ.
ಈ ನೇಮಕಾತಿ ಪ್ರಕ್ರಿಯೆಯಲ್ಲಿ ಕರ್ನಾಟಕದ ಎಲ್ಲಾ ಜಿಲ್ಲೆಗಳ ಪುರುಷ ಹಾಗೂ ಮಹಿಳಾ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಬಹುದು. ಅಗ್ನಿವೀರ್ ನೇಮಕಾತಿ ವಿವಿಧ ವಿಭಾಗಗಳಲ್ಲಿ ನಡೆಯಲಿದೆ. ಅವುಗಳಲ್ಲಿ:
• ಅಗ್ನಿವೀರ್ ಜನರಲ್ ಡ್ಯೂಟಿ
• ಅಗ್ನಿವೀರ್ ಟೆಕ್ನಿಕಲ್
• ಅಗ್ನಿವೀರ್ ಆಫೀಸ್ ಅಸಿಸ್ಟೆಂಟ್ / ಸ್ಟೋರ್ ಕೀಪರ್ ಟೆಕ್ನಿಕಲ್
• ಅಗ್ನಿವೀರ್ ಟ್ರೇಡ್ಸ್ಮನ್ (10ನೇ ತರಗತಿ ಉತ್ತೀರ್ಣ)
• ಅಗ್ನಿವೀರ್ ಟ್ರೇಡ್ಸ್ಮನ್ (8ನೇ ತರಗತಿ ಉತ್ತೀರ್ಣ)
• ಅಗ್ನಿವೀರ್ ಜನರಲ್ ಡ್ಯೂಟಿ (ಮಹಿಳಾ ಮಿಲಿಟರಿ ಪೊಲೀಸ್)
• ನರ್ಸಿಂಗ್ ಅಸಿಸ್ಟೆಂಟ್
• ನರ್ಸಿಂಗ್ ಅಸಿಸ್ಟೆಂಟ್ ವೆಟರಿನರಿ
• ಸಿಪಾಯಿ ಫಾರ್ಮಾ
ಪ್ರತಿ ವಿಭಾಗಕ್ಕೆ ಸಂಬಂಧಿಸಿದ ವಯೋಮಿತಿ, ಶೈಕ್ಷಣಿಕ ಅರ್ಹತೆ ಹಾಗೂ ಇತರೆ ಮಾನದಂಡಗಳ ವಿವರಗಳು ಅಧಿಕೃತ ಅಧಿಸೂಚನೆಯಲ್ಲಿ ನೀಡಲಾಗಿದೆ. ಈ ಅಧಿಸೂಚನೆಯನ್ನು www.joinindianarmy.nic.in ವೆಬ್ಸೈಟ್ನಲ್ಲಿ ಪ್ರಕಟಿಸಲಾಗಿದೆ.
ನೋಂದಣಿ ಪ್ರಕ್ರಿಯೆ
ಅಭ್ಯರ್ಥಿಗಳು ಮೊದಲು Join Indian Army ವೆಬ್ಸೈಟ್ನಲ್ಲಿ ಖಾತೆ ತೆರೆಯಬೇಕು. ನಂತರ ಅಗತ್ಯ ವಿವರಗಳನ್ನು ನೀಡುವ ಮೂಲಕ ಆನ್ಲೈನ್ನಲ್ಲಿ ಅರ್ಜಿ ಸಲ್ಲಿಸಬೇಕು.
ನೋಂದಣಿ ಸಮಸ್ಯೆಗಳಿಗೆ ಸಹಾಯ
ನೋಂದಣಿ ಪ್ರಕ್ರಿಯೆಯಲ್ಲಿ ಯಾವುದೇ ತೊಂದರೆ ಎದುರಾದರೆ ಕೆಳಗಿನ ಸೇನಾ ನೇಮಕಾತಿ ಕಚೇರಿಗಳನ್ನು ಸಂಪರ್ಕಿಸಬಹುದು:
ರಿಕ್ರೂಟಿಂಗ್ ಆಫೀಸ್ (HQ), ಬೆಂಗಳೂರು
ಇಮೇಲ್: arobengaluru@gmail.com
ದೂರವಾಣಿ: 080-29516517 / 7996672666
ಏರಿಯಾ ರಿಕ್ರೂಟಿಂಗ್ ಆಫೀಸ್, ಮಂಗಳೂರು
ಇಮೇಲ್: aromangalore2021@gmail.com
ದೂರವಾಣಿ: 0824-2951276 / 7411497644
ಏರಿಯಾ ರಿಕ್ರೂಟಿಂಗ್ ಆಫೀಸ್, ಬೆಳಗಾವಿ
ಇಮೇಲ್: arobgm4@gmail.com
ದೂರವಾಣಿ: 0831-2950001 / 7411048362
ಅರ್ಹ ಅಭ್ಯರ್ಥಿಗಳು ಕೊನೆಯ ದಿನಾಂಕದೊಳಗೆ ನೋಂದಣಿ ಪೂರ್ಣಗೊಳಿಸುವಂತೆ ಹಾಗೂ ಅಧಿಕೃತ ಅಧಿಸೂಚನೆಯಲ್ಲಿ ನೀಡಿರುವ ಅರ್ಹತಾ ನಿಯಮಗಳನ್ನು ಗಮನವಾಗಿ ಪರಿಶೀಲಿಸುವಂತೆ ಅಧಿಕಾರಿಗಳು ಮನವಿ ಮಾಡಿದ್ದಾರೆ.