ಬೆಂಗಳೂರು, ನವೆಂಬರ್ 22: ಜಲ ಸಂಪನ್ಮೂಲ ಇಲಾಖೆ ಹಾಗೂ ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ (BDA) ವ್ಯಾಪ್ತಿಯ ಭೂಸ್ವಾಧೀನ ಕೋರ್ಟ್ ಪ್ರಕರಣಗಳಲ್ಲಿ ನಡೆದಿರುವ ಕರ್ತವ್ಯ ಲೋಪ, ತನಿಖಾ ವಿಳಂಬ ಮತ್ತು ಸಂಶಯಾಸ್ಪದ ನಿರ್ಲಕ್ಷ್ಯ ಕುರಿತು ರಾಜ್ಯ ಸರ್ಕಾರ ಗಂಭೀರವಾಗಿ ಗಮನ ಹರಿಸಿದೆ. ಉಪಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಅವರು ವಿಶೇಷ ತನಿಖಾ ಪಡೆ (SIT) ರಚನೆ ಮಾಡುವುದಾಗಿ ಘೋಷಿಸಿ, ತಪ್ಪಿತಸ್ಥ ಅಧಿಕಾರಿಗಳನ್ನೂ, ಕರ್ತವ್ಯಲೋಪ ಮಾಡಿದ ವಕೀಲರನ್ನೂ ಅಮಾನತು–ವಜಾಗೊಳಿಸುವ ಕಠಿಣ ಕ್ರಮ ಕೈಗೊಳ್ಳುವುದಾಗಿ ತಿಳಿಸಿದ್ದಾರೆ.
ವಿಧಾನಸೌಧದಲ್ಲಿ ನಡೆದ ಉನ್ನತ ಮಟ್ಟದ ಪರಿಶೀಲನಾ ಸಭೆಯ ನಂತರ ಅವರು ಮಾಧ್ಯಮಗಳಿಗೆ ಮಾಹಿತಿ ನೀಡಿದರು.
“ಅಮಾನತು–ವಜಾ ಅನಿವಾರ್ಯ, SIT ಸಂಪೂರ್ಣ ತನಿಖೆ ನಡೆಸಲಿದೆ” — ಡಿಕೆ ಶಿವಕುಮಾರ್
ಉಪಮುಖ್ಯಮಂತ್ರಿಗಳು ಹೇಳಿದರು:
“ನೀರಾವರಿ ಇಲಾಖೆ ಮತ್ತು BDA ಯ ಭೂಸ್ವಾಧೀನ ಪ್ರಕರಣಗಳಲ್ಲಿ ನಡೆಯುತ್ತಿರುವ ಗಂಭೀರ ಹೊಣೆಗಾರಿಕೆಯ ಕೊರತೆ ಸರ್ಕಾರಕ್ಕೆ ಭಾರೀ ಹೊರೆ ತರಲಿದೆ. ಅಧಿಕಾರಿಗಳ ನಿರ್ಲಕ್ಷ್ಯ, ವಕೀಲರ ವಿಳಂಬ—ಎಲ್ಲವನ್ನು SIT ಪರಿಶೀಲಿಸುತ್ತದೆ. ತಪ್ಪಿತಸ್ಥರನ್ನೆಲ್ಲ ಅಮಾನತುಗೊಳಿಸಲಾಗುತ್ತದೆ, ವಕೀಲರನ್ನು ವಜಾಗೊಳಿಸಲಾಗುತ್ತದೆ.”
ನೀರಾವರಿ ಇಲಾಖೆಯಲ್ಲಿ 61,843 ಭೂಸ್ವಾಧೀನ–ನ್ಯಾಯಾಲಯ ಪ್ರಕರಣಗಳು ಬಾಕಿ
ರಾಜ್ಯ ಸರ್ಕಾರದ ಮುಂದೆ ಇರುವ ಭಾರೀ ಪಟ್ಟಿ:
- ಒಟ್ಟು ಪ್ರಕರಣಗಳು: 61,843
- KNNL: 25,356
- VJNL: 2,856
- CNNL: 4,455
- UKP, R&R, KBJNL: 29,176
ಇತ್ತೀಚಿನ ಕೃಷ್ಣ ಭಾಗ್ಯ ನಿಗಮದ ಪರಿಹಾರ ಹೆಚ್ಚಳಕ್ಕೆ ಮಾತ್ರ ₹75,000 ಕೋಟಿ ಬೇಕಾಗುತ್ತದೆ ಎಂದು ಅವರು ತಿಳಿಸಿದರು.
₹9 ಲಕ್ಷ ಪರಿಹಾರದ ಬದಲು ₹9–₹20 ಕೋಟಿ ಪರಿಹಾರ — ಕೋರ್ಟ್ ತೀರ್ಪು!
ಡಿಕೆಶಿ ಹೇಳಿದರು:
“ನೀರಾವರಿ ಇಲಾಖೆ ಕೆಲ ಪ್ರಕರಣಗಳಲ್ಲಿ ₹9 ಲಕ್ಷ ಪರಿಹಾರ ನಿಗದಿ ಮಾಡಿದ್ದರೂ, ನ್ಯಾಯಾಲಯವು ₹9 ಕೋಟಿ, ₹10 ಕೋಟಿ, ₹20 ಕೋಟಿ ಪರಿಹಾರಕ್ಕೆ ಆದೇಶಿಸಿದೆ. ಇದು ನಮ್ಮ ವಕೀಲರ ವಿಳಂಬ–ನಿರ್ಲಕ್ಷ್ಯದ ನೇರ ಪರಿಣಾಮ.”
ಅನೆಕ ಪ್ರಕರಣಗಳಲ್ಲಿ ಅರ್ಜಿ ಸಲ್ಲಿಕೆ ವೇಳೆಗೆ ಆಗಿಲ್ಲ, ಸಮರ್ಪಕ ದಾಖಲೆಗಳಿಲ್ಲ ಮತ್ತು ಕಾನೂನು ಪ್ರಕ್ರಿಯೆ ಉಲ್ಲಂಘನೆಗಳು ಕಂಡುಬಂದಿವೆ.
10–15 ದಿನಗಳಲ್ಲಿ ಪ್ರಾಥಮಿಕ ವರದಿ: ನಂತರ ಪೂರ್ಣ ಎಸ್ಐಟಿ ತನಿಖೆ
ಕಂದಾಯ ಮತ್ತು ಕಾನೂನು ಇಲಾಖೆಗೆ:
- ಅರ್ಜಿ ಸಲ್ಲಿಕೆಯ ವಿಳಂಬ ಕಾರಣ
- ಕೇಸ್ಫೈಲ್ಗಳನ್ನು ನಿರ್ಲಕ್ಷಿಸಿದ ಅಧಿಕಾರಿಗಳು
- ವಕೀಲರ ನಿರ್ಲಕ್ಷ್ಯ
ಇವುಗಳ ಬಗ್ಗೆ ವರದಿ ಸಲ್ಲಿಸಲು ಸೂಚಿಸಲಾಗಿದೆ.
ಮುಂದಿನ 10–15 ದಿನಗಳಲ್ಲಿ ಪ್ರಾಥಮಿಕ ವರದಿ ಬರುವ ನಿರೀಕ್ಷೆ.
219 ವಕೀಲರು ‘ಹುದ್ದೆಗೆ ತಕ್ಕ ಜವಾಬ್ದಾರಿ ವಹಿಸಿಲ್ಲ’ — ಡಿಕೆಶಿ
“ನೀರಾವರಿ ಇಲಾಖೆಗೆ 219 ವಕೀಲರಿದ್ದಾರೆ. ಯಾರೂ ಹೊಣೆಗಾರಿಕೆಯಿಂದ ವರ್ತಿಸಿಲ್ಲ. ಅವರನ್ನು ತೆಗೆದುಹಾಕಿ ಹೊಸ ವಕೀಲರನ್ನೇ ನೇಮಿಸುತ್ತೇವೆ.”
ಬೆಂಗಳೂರು–ದೆಹಲಿ ಎರಡೂ ಕಡೆ ‘ಕಾನೂನು ಮಾನಿಟರಿಂಗ್ ಘಟಕ’ ರಚನೆ
ರಾಜ್ಯ ಸರ್ಕಾರ :
- ಸುಪ್ರೀಂ ಕೋರ್ಟ್
- ಹೈಕೋರ್ಟ್
- ಜಿಲ್ಲಾ ನ್ಯಾಯಾಲಯಗಳಲ್ಲಿ
ಸರ್ಕಾರದ ಪರ ವಕೀಲರು ಮಂಡಿಸುವ ವಾದಗಳನ್ನು ದಾಖಲು–ಟ್ರ್ಯಾಕಿಂಗ್ ಮಾಡಲು ಪ್ರತ್ಯೇಕ ಘಟಕ ಸ್ಥಾಪಿಸುವುದು.
ವಿಚಾರಣೆ ಹೊರಗಡೆ ಪರಿಹಾರಕ್ಕೆ ‘ಪ್ರಾಧಿಕಾರ’ ರಚನೆ
ನೂತನ ಕಾನೂನಿನಡಿ:
- ನಿವೃತ್ತ ನ್ಯಾಯಾಧೀಶರ ಅಧ್ಯಕ್ಷತೆಯಲ್ಲಿರುವ
- ವಿಶೇಷ ಪ್ರಾಧಿಕಾರ
- ಕೋರ್ಟ್ಗೆ ಹೋಗದೆ ಪರಿಹಾರ ನೀಡುವ ವ್ಯವಸ್ಥೆ
ನೀರಾವರಿ ಮತ್ತು BDA ಪ್ರಕರಣಗಳಿಗೆ ಈ ಮಾದರಿಯನ್ನು ಜಾರಿ ಮಾಡಲು ಸರ್ಕಾರ ಮುಂದಾಗಿದೆ.
‘5 ಲಕ್ಷ ಕೋಟಿ ರೂ. ಹೊರೆ ಸಾಧ್ಯತೆ’ — ಡಿಕೆಶಿ ಎಚ್ಚರಿಕೆ
ವಿಳಂಬದಿಂದ:
- ರಾಜ್ಯಕ್ಕೆ ಅಂದಾಜು ₹5 ಲಕ್ಷ ಕೋಟಿ ಪರಿಹಾರ ಹೊರೆಯಾಗುವ ಸಾಧ್ಯತೆ
- ಅನೇಕ ರೈತರು “ನಾವು ಯಾವದಕ್ಕೆ ಸಹಿ ಹಾಕಿದ್ದೇವೆ ಗೊತ್ತಿಲ್ಲ” ಎಂದು ದೂರಿದ್ದಾರೆ
ಸರ್ಕಾರ ಎಲ್ಲಾ ದಾಖಲೆಗಳನ್ನು ಪುನಃ ಪರಿಶೀಲಿಸಿ ಕ್ರಮ ಕೈಗೊಳ್ಳಲಿದೆ.
ಮೇಕೆದಾಟು ಯೋಜನೆ – ಹಂತ ಹಂತವಾಗಿ ಜಾರಿ
ತೀರ್ಪಿನ ಪ್ರತಿಯನ್ನು ಸ್ವೀಕರಿಸಿರುವುದಾಗಿ ತಿಳಿಸಿ:
- ಪರಿಷ್ಕೃತ DPR
- ಸರ್ವಪಕ್ಷ ಸಭೆ
- ದೆಹಲಿ ಭೇಟಿ
- CWMA, CWC ಚರ್ಚೆಗಳು
ಈ ಎಲ್ಲವನ್ನು ಮುಂದಿನ ಹಂತಗಳಲ್ಲಿ ಕೈಗೊಳ್ಳಲಾಗುವುದು ಎಂದು ಅವರು ಹೇಳಿದರು.