ಇತ್ತೀಚೆಗೆ ಆಪಲ್ ತನ್ನ ಐಫೋನ್ ಸರಣಿಯ ಸ್ಮಾರ್ಟ್‌ಫೋನ್ ಅನ್ನು ಬಿಡುಗಡೆ ಮಾಡಿತ್ತು. ಈ ಸ್ಮಾರ್ಟ್ ಫೋನ್‌ಗಳಿಗೆ ಈಗ ಬೇಡಿಕೆಯೂ ಹೆಚ್ಚಾಗಿದೆ. ಇದರ ಜೊತೆಗೆ ಐಫೋನ್ 15 ಸರಣಿ ಖರೀದಿಸಿದವರಿಗೆ ಟೆಕ್ ದೈತ್ಯ ಆಪಲ್ ಕಂಪನಿ ಪ್ರಮುಖ ಮೆಸೇಜ್ ಅನ್ನೂ ನೀಡಿದೆ.
ಆಪಲ್ ಇತ್ತೀಚೆಗೆ ಐಫೋನ್ 15, ಐಫೋನ್ 15 ಪ್ಲಸ್, ಐಫೋನ್ 15 ಪ್ರೋ ಮತ್ತು ಐಫೋನ್ 15 ಪ್ರೋ ಮ್ಯಾಕ್ಸ್‌ ಅನ್ನು ಬಿಡುಗಡೆ ಮಾಡಿತ್ತು. ಈ ಸರಣಿಯ ಸ್ಮಾರ್ಟ್‌ಫೋನ್‌ಗಳು ಈಗ ಲಭ್ಯವಿವೆ. ಈ ಎಲ್ಲಾ ನಾಲ್ಕು ಹೊಸ ಫೋನ್‌ಗಳು ಆಪಲ್ ಆನ್‌ಲೈನ್ ಸ್ಟೋರ್ ಹಾಗೂ ಅಧಿಕೃತ ಪಾಲುದಾರಿಕೆ ಹೊಂದಿರುವ ಶಾಪ್‌ಗಳಲ್ಲಿ ಲಭ್ಯವಿದೆ. ಈ ಫೋನ್‌ಗಳಿಗೆ ಭಾರತ ಸೇರಿದಂತೆ ಬಹುದೇಶಗಳಲ್ಲಿ ವ್ಯಾಪಕವಾದ ಬೇಡಿಕೆ ಇದೆ.
ತನ್ನ ಹೊಸ ಡಿವೈಜ್ ಖರೀದಿಸಿದವರಿಗೆ ಆಪಲ್ ಪ್ರಮುಖ ಸಾಫ್ಟ್‌ವೇರ್ ಅಪ್ಡೇಟ್ ಮೆಸೇಜನ್ನು ನೀಡಿದೆ. ಅಂದರೆ ಕಂಪನಿಯು iOS 17.0.2 ಅಪ್ಡೇಟ್ ಅನ್ನು ಬಿಡುಗಡೆ ಮಾಡಿದ್ದು, ಇದು ಬಳಕೆದಾರರು ತಮ್ಮ ಹಳೆಯ ಐಫೋನ್‌ನಿಂದ ಹೊಸ ಐಫೋನ್ 15 ಸರಣಿಯ ಡಿವೈಜ್‌ಗೆ ತಮ್ಮ ಡೇಟಾವನ್ನು ವರ್ಗಾಯಿಸುವಾಗ ಎದುರಾಗಬಹುದಾದ ಸಮಸ್ಯೆಗೆ ಪರಿಹಾರ ನೀಡುತ್ತದೆ. ಅಂದರೆ ಯಾವುದೇ ಹೊಸ ಐಫೋನ್ 15 ಮಾದರಿಗಳನ್ನು ಖರೀದಿಸಿದ ಯಾರಾದರೂ ಡೇಟಾ ವರ್ಗಾವಣೆ ಪ್ರಕ್ರಿಯೆಯನ್ನು ಪ್ರಾರಂಭಿಸುವ ಮೊದಲು ಅವರ ಡಿವೈಜ್ ಅನ್ನು ಅಪ್ಡೇಟ್ ಮಾಡಿಕೊಳ್ಳಬೇಕಾಗಿದೆ.
ಈ ಅಪ್ಡೇಟ್ ಪ್ರಮುಖವಾದ ದೋಷ ಪರಿಹಾರಗಳು, ಭದ್ರತಾ ನವೀಕರಣಗಳನ್ನು ಒದಗಿಸುತ್ತದೆ ಮತ್ತು ಸೆಟಪ್ ಸಮಯದಲ್ಲಿ ಮತ್ತೊಂದು ಐಫೋನ್‌ನಿಂದ ನೇರವಾಗಿ ಡೇಟಾವನ್ನು ವರ್ಗಾಯಿಸುವುದಕ್ಕೆ ತಡೆಯಾಗಬಹುದಾದ ಸಮಸ್ಯೆಯನ್ನೂ ಪರಿಹರಿಸುತ್ತದೆ’ ಎಂದು ಆಪಲ್ ಸಪೋರ್ಟ್ ಪೇಜ್‌ನಲ್ಲಿ ಉಲ್ಲೇಖಿಸಲಾಗಿದೆ.
ಇನ್ನೊಂದು ಪ್ರಮುಖ ಅಂಶವಿದೆ. ಅದೇನೆಂದರೆ iOS 17.0.2 ಅನ್ನು iPhone 15 ಸರಣಿಗಾಗಿ ಮಾತ್ರ ಬಿಡುಗಡೆ ಮಾಡಲಾಗಿದೆ. ನಿಮ್ಮ ಐಫೋನ್ 15 ಮಾದರಿಯನ್ನು ನೀವು ಬೂಟ್ ಮಾಡಿದಾಗ, ಫೋನ್ ಅನ್ನು ಅಪ್ಡೇಟ್ ಮಾಡುವ ಆಯ್ಕೆ ಕಾಣಿಸಿಕೊಳ್ಳುತ್ತದೆ
The post ಮೊಬೈಲ್ ಬಳಕೆದಾರರೇ ಗಮನಿಸಿ.. ‘’ಐಫೋನ್ 15’’ ಖರೀದಿಸಿದವರಿಗೆ ಬಿಗ್ ಅಪೆ ಡೇಟ್ appeared first on Ain Live News.
