ಭಾರತ ನಮ್ಮ ಆಯ್ಕೆಯ ಪಾಲುದಾರ ರಾಷ್ಟ್ರವಾಗಿದ್ದು, ಭಾರತವನ್ನು ಅದರ ಜಿ೨೦ ಅಧ್ಯಕ್ಷತೆಗಾಗಿ ಅಭಿನಂದಿಸುತ್ತೇವೆ ಎಂದು ಅಮೆರಿಕ ಹೇಳಿದೆ. ಬೆಂಗಳೂರು: ಭಾರತ ನಮ್ಮ ಆಯ್ಕೆಯ ಪಾಲುದಾರ ರಾಷ್ಟ್ರವಾಗಿದ್ದು, ಭಾರತವನ್ನು ಅದರ ಜಿ೨೦ ಅಧ್ಯಕ್ಷತೆಗಾಗಿ ಅಭಿನಂದಿಸುತ್ತೇವೆ ಎಂದು ಅಮೆರಿಕ ಹೇಳಿದೆ.
ಬೆಂಗಳೂರಿನಲ್ಲಿ ಇಂದಿನಿಂದ ಆರಂಭವಾಗಲಿರುವ ಏರೋ ಇಂಡಿಯಾ ವೈಮಾನಿಕ ಪ್ರದರ್ಶನದಲ್ಲಿ ಪಾಲ್ಗೊಂಡು ಮಾತನಾಡಿದ ಅಮೆರಿಕ ರಾಯಬಾರಿ ಕಚೇರಿಯ ಅಧಿಕಾರಿ ಎಲಿಜಬೆತ್ ಜೋನ್ಸ್ ಭಾರತ ನಮ್ಮ ಆಯ್ಕೆಯ ಪಾಲುದಾರ ರಾಷ್ಟ್ರವಾಗಿದ್ದು, ಭಾರತವನ್ನು ಅದರ G20 ಅಧ್ಯಕ್ಷತೆಗಾಗಿ ಅಭಿನಂದಿಸುತ್ತೇವೆ ಎಂದು ಹೇಳಿದ್ದಾರೆ.
ಇದನ್ನೂ ಓದಿ: ಏರೋ ಇಂಡಿಯಾ 2023: ಭಾರತದಲ್ಲಿ ಹೊಸ ಲಾಜಿಸ್ಟಿಕ್ಸ್ ಕೇಂದ್ರ ಸ್ಥಾಪನೆ: ಬೋಯಿಂಗ್ ಮಹತ್ವದ ಘೋಷಣೆ
ಏರೋ ಇಂಡಿಯಾದಲ್ಲಿ ವಿವಿಧ ರಾಷ್ಟ್ರಗಳ ಪೆವಿಲಿಯನ್ ಇರಲಿದ್ದು, ಅದರಂತೆ ಅಮೆರಿಕಾದ ಪೆವಿಲಿಯನ್ ಕೂಡ ಇರಲಿದೆ. ಇಂದು ಅಮೆರಿಕಾ ಪೆವಿಲಿಯನ್ ಅನ್ನು ಜೋನ್ಸ್ ಉದ್ಘಾಟಿಸಿದ್ದು, ನಿನ್ನೆ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ನಾಳೆ (ಸೋಮವಾರ) ತೆರೆಯಲಿರುವ ನಮ್ಮ ಪ್ರಭಾವಶಾಲಿ ಪೆವಿಲಿಯನ್ ಮತ್ತು ಕಳೆದ ವರ್ಷದಲ್ಲಿ ನಮ್ಮ ಬೆಳೆಯುತ್ತಿರುವ ರಾಜತಾಂತ್ರಿಕ ಮತ್ತು ಭದ್ರತಾ ಸಹಕಾರ ಇದಕ್ಕೆ ಸಾಕ್ಷಿಯಾಗಿದೆ. ಆ ಸಂಬಂಧದಲ್ಲಿ ನಾವು ಭಾರತವನ್ನು ಅದರ ಜಿ೨೦ ಅಧ್ಯಕ್ಷತೆಗಾಗಿ ಅಭಿನಂದಿಸುತ್ತೇವೆ. ಅದರಲ್ಲೂ ಅಮೆರಿಕಾ ಭಾಗವಹಿಸುವಿಕೆಯನ್ನು ಎದುರುನೋಡುತ್ತಿದ್ದೇವೆ ಎಂದರು.
ಇದನ್ನೂ ಓದಿ: ಏರೋ ಇಂಡಿಯಾ ನವ ಭಾರತದ ಶಕ್ತಿಯನ್ನು ತೋರಿಸುತ್ತಿದ್ದು, ಇದು ನಮ್ಮ ಆತ್ಮವಿಶ್ವಾಸವನ್ನು ಹೆಚ್ಚಿಸಿದೆ: ಪ್ರಧಾನಿ ಮೋದಿ
ಭಾರತ ಮತ್ತು ಯುನೈಟೆಡ್ ಸ್ಟೇಟ್ಸ್ ಮುಕ್ತ, ಸಮೃದ್ಧ, ಸಂಪರ್ಕ, ನಿಯಮ-ಆಧಾರಿತ ಮತ್ತು ಚೇತರಿಸಿಕೊಳ್ಳುವ ಇಂಡೋ-ಪೆಸಿಫಿಕ್ ಪ್ರದೇಶವನ್ನು ಖಚಿತಪಡಿಸಿಕೊಳ್ಳಲು ಹಲವು ವಿಧಗಳಲ್ಲಿ ನಿರ್ಣಾಯಕ ಪಾಲುದಾರರಾಗಿದ್ದೇವೆ. ಹಾಗಾಗಿ ಭಾರತವು ನಮ್ಮ ಆಯ್ಕೆಯ ಪಾಲುದಾರವಾಗಿದೆ. ಹವಾಮಾನ ಬದಲಾವಣೆಯನ್ನು ಪರಿಹರಿಸಲು, ಜಾಗತಿಕ ಆರೋಗ್ಯವನ್ನು ಸುಧಾರಿಸಲು ಮತ್ತು ಹೊಸ ಸಾಂಕ್ರಾಮಿಕ ರೋಗಗಳಿಗೆ ತಯಾರಾಗಲು, ಸೈಬರ್ ಸವಾಲುಗಳ ಮೇಲೆ ಸಹಕರಿಸಲು, ಗುಣಮಟ್ಟದ ಮೂಲಭೂತ ಸೌಕರ್ಯಗಳನ್ನು ನಿರ್ಮಿಸಲು ಮತ್ತು ಸುಸ್ಥಿರ ಪೂರೈಕೆ ಸರಪಳಿಗಳನ್ನು ಖಚಿತಪಡಿಸಿಕೊಳ್ಳಲು ನಾವು ಒಟ್ಟಾಗಿ ಕೆಲಸ ಮಾಡುತ್ತಿದ್ದೇವೆ. ಎರಡೂ ದೇಶಗಳು ಬಾಹ್ಯಾಕಾಶ ಘಟಕಗಳಿಂದ ಹಿಡಿದು ಸೆಮಿಕಂಡೆಕ್ಟರ್ನಂಥ ನಿರ್ಣಾಯಕ ತಂತ್ರಜ್ಞಾನಗಳ ಮೇಲೆ ಸಹಕಾರವನ್ನು ಬಲಪಡಿಸುತ್ತಿವೆ ಎಂದರು.
ಇದನ್ನೂ ಓದಿ: ಏರೋ ಇಂಡಿಯಾ 2023: ಐತಿಹಾಸಿಕ ನೆಲದಲ್ಲಿ ಏರ್ ಶೋ ನಡೆಯುತ್ತಿರುವುದು ಸಂತಸ ತಂದಿದೆ- ರಾಜನಾಥ್ ಸಿಂಗ್
ಜಪಾನ್ನ ಯಕೋಟಾ ಏರ್ ಬೇಸ್ (ಅಮೆರಿಕಾ ಸ್ವಾಮ್ಯದ) ಆಧಾರಿತ ಯುನೈಟೆಡ್ ಸ್ಟೇಟ್ಸ್ ಏರ್ ಫೋರ್ಸ್ ಬ್ಯಾಂಡ್ ಆಫ್ ದಿ ಪೆಸಿಫಿಕ್ನ ಏಳು-ಸದಸ್ಯರ ಸಂಗೀತ ಸಮೂಹದ ತಂಡವು ಫೆಬ್ರವರಿ 16 ರಂದು ಏರೋ ಇಂಡಿಯಾದಲ್ಲಿ ಸಾರ್ವಜನಿಕರಿಗಾಗಿ ಪ್ರದರ್ಶನ ನೀಡಲಿದೆ.