Malleshwaram bomb blast: 2013ರ ಮಲ್ಲೇಶ್ವರಂ ಬಾಂಬ್ ಸ್ಪೋಟದ ಪ್ರಮುಖ ಆರೋಪಿ 12 ವರ್ಷಗಳ ಬಳಿಕ ಬಂಧನ – ಬೆಂಗಳೂರಿಗೆ ಮತ್ತೆ ಸ್ಪೋಟದ ಸ್ಕೆಚ್ ಮಾಡಿದ್ದಾರೆಂಬ ಶಂಕೆ
ಬೆಂಗಳೂರು: 2013ರ ಎಪ್ರಿಲ್ 17ರಂದು ಮಲ್ಲೇಶ್ವರಂನ ಬಿಜೆಪಿ ಕಚೇರಿ ಬಳಿ ನಡೆದ ಬಾಂಬ್ ಸ್ಫೋಟದ ಪ್ರಮುಖ ಆರೋಪಿ ಅಬೂಬಕರ್ ಸಿದ್ದಿಕ್ ಎಂಬ ಉಗ್ರನನ್ನು ತಮಿಳುನಾಡು ಎಟಿಎಸ್ ತಂಡವು ಆಂಧ್ರಪ್ರದೇಶದ ರಾಯಚೋಟಿಯಿಂದ ಬಂಧಿಸಿದೆ. 12 ವರ್ಷಗಳ ಹಿಂದಿನ ಈ ಭೀಕರ ದಾಳಿಯಲ್ಲಿ 18 ಮಂದಿ ಗಾಯಗೊಂಡಿದ್ದರು.
ಆಲ್ ಉಮ್ಮಾ ಸಂಘಟನೆಯ ಸದಸ್ಯನಾಗಿದ್ದ ಅಬೂಬಕರ್ ಹಲವು ಬಾಂಬ್ ಸ್ಫೋಟಗಳಲ್ಲಿ ಭಾಗವಹಿಸಿದ್ದಾನೆ – 1999ರ ಕೊಯಮತ್ತೂರು ಸ್ಪೋಟ, 2011ರ ಮಧುರೈ ಪೈಪ್ ಬಾಂಬ್ ದಾಳಿ, ಮತ್ತು 1991ರ ಚೆನ್ನೈ ಹಿಂದೂ ಮುನ್ನಣಿ ಕಚೇರಿ ದಾಳಿ. ಬಂಧನದ ಬಳಿಕ ತನಿಖಾಧಿಕಾರಿಗಳಿಗೆ ಬ್ಯಾಂಗಳ್ಳೂರಿನಲ್ಲಿ ಮತ್ತೊಂದು ಸ್ಪೋಟಕ್ಕೆ ಯೋಜನೆ ಮಾಡಿಕೊಂಡಿದ್ದಾನೆ ಎಂಬ ಮಾಹಿತಿ ಲಭಿಸಿದೆ.
ಅಬೂಬಕರ್ ಕಳೆದ 10 ವರ್ಷಗಳಿಂದ ಆಂಧ್ರದ ರಾಯಚೋಟಿಯಲ್ಲಿ ನಕಲಿ ಗುರುತಿನೊಂದಿಗೆ ವಾಸಿಸುತ್ತಿದ್ದ. ಸ್ಥಳೀಯ ಮಹಿಳೆಯೊಬ್ಬರನ್ನು ಮದುವೆಯಾಗಿದ್ದ ಅವನು ಚಿಲ್ಲರೆ ಅಂಗಡಿಯನ್ನು ಇಟ್ಟುಕೊಂಡಿದ್ದ. ಬಂಧನದ ವೇಳೆ ಪೊಲೀಸರು ಅವನಿಂದ ಡಿಜಿಟಲ್ ಐಇಡಿ ತಯಾರಿ ಸಾಧನೆ, ಸ್ಪೋಟಕ ವಸ್ತುಗಳು, ಟೈಮರ್, ತಂತಿಗಳು, ವಾಕಿ ಟಾಕಿ ಮತ್ತು ಹ್ಯಾಕಿಂಗ್ ಸಾಫ್ಟ್ವೇರ್ ವಶಪಡಿಸಿಕೊಂಡಿದ್ದಾರೆ.
ತಮಿಳುನಾಡು ಮತ್ತು ಕರ್ನಾಟಕ ಎಟಿಎಸ್ ತಂಡಗಳು ಈಗ ಒಟ್ಟಾಗಿ ಕಾರ್ಯನಿರ್ವಹಿಸುತ್ತಿದ್ದು, ಅವನನ್ನು ಬೆಂಗಳೂರಿಗೆ ತರಲು ಬಾಡಿ ವಾರಂಟ್ ಸಲ್ಲಿಸಲಾಗುತ್ತಿದೆ. ನಂತರ ಇನ್ನಷ್ಟು ವಿಚಾರಣೆ ನಡೆಯಲಿದೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.
ಅಬೂಬಕರ್ ಸಿದ್ದಿಕ್ ಮೊಸ್ಟ್ ವಾಂಟೆಡ್ ಉಗ್ರರ ಪಟ್ಟಿಯಲ್ಲಿದ್ದು, ಆತನ ಬಂಧನದಿಂದ ಇನ್ನಷ್ಟು ಗಂಭೀರ ಬಾಂಬ್ ಪ್ಲಾನಿಂಗ್ ಪ್ರಕರಣಗಳು ಬೆಳಕಿಗೆ ಬರುವ ಸಾಧ್ಯತೆಗಳಿವೆ. ತನಿಖೆ ಮುಂದುವರಿದಿದ್ದು, ಈತ ಯಾರ ಜೊತೆ ಸಂಪರ್ಕದಲ್ಲಿದ್ದ ಎಂಬುದರ ಬಗ್ಗೆ ಹೆಚ್ಚಿನ ಮಾಹಿತಿ ಕಾದಿದೆ.
