ಕೊಟ್ಟಾಯಂ:
ಶಬರಿಮಲೆ ದೇಗುಲಕ್ಕೆ ಈಗ ಹೆಚ್ಚಿನ ಭಕ್ತಾದಿಗಳು ಭೇಟಿ ನೀಡಬಹುದಾಗಿದೆ.
ಸದ್ಯ ದೇಗುಲಕ್ಕೆ 1 ಸಾವಿರ ಭಕ್ತರಿಗೆ ದರ್ಶನಕ್ಕೆ ಅವಕಾಶ ಕಲ್ಪಿಸಲಾಗಿದೆ. ಅದನ್ನು 2000ಕ್ಕೆ ಹೆಚ್ಚಿಸಲಾಗಿದೆ. ವಾರಾಂತ್ಯದಲ್ಲಿ ಅದನ್ನು 2000ರಿಂದ 3000ಕ್ಕೆ ಏರಿಸಲಾಗಿದೆ.
ಭಾನುವಾರ ಮುಖ್ಯ ಕಾರ್ಯದರ್ಶಿಯೊಂದಿಗೆ ನಡೆದ ಸಭೆಯ ನಂತರ ತ್ರಾವಂಕೂರ್‌ ದೇವಸ್ತಾನಂ ಮಂಡಳಿ ಅಧ್ಯಕ್ಷ ಎನ್‌ ವಾಸು ಈ ವಿಷಯ ತಿಳಿಸಿದ್ದಾರೆ.
ಶಬರಿಮಲದ ದರ್ಶನ ಆರಂಭಗೊಂಡ 12 ದಿನಗಳಲ್ಲಿ 13,529 ಭಕ್ತರು ದೇಗುಲಕ್ಕೆ ಭೇಟಿ ನೀಡಿದ್ದಾರೆ.
ಕಳೆದ ವರ್ಷ 48 ಕೋಟಿ ರೂ. ಆದಾಯ ಗಳಿಸಿದ್ದ ದೇಗುಲ ಈ ವರ್ಷ ಕೇವಲ 2 ಕೋಟಿ ರೂ. ಗಳಿಸಿದೆ.
