ಬೆಂಗಳೂರು: ಬೆಂಗಳೂರು ಪೂರ್ವ ನಗರ ಪಾಲಿಕೆ ಹೂಡಿ ಉಪ ವಿಭಾಗದಲ್ಲಿ ನಕ್ಷೆ ಮಂಜೂರಾತಿಗೆ ವಿರುದ್ಧವಾಗಿ ನಿರ್ಮಿಸಿದ್ದ ಅಕ್ರಮ ಮಹಡಿಗಳ ತೆರವು ಕಾರ್ಯಾಚರಣೆ ಆರಂಭಿಸಿದೆ ಎಂದು ಆಯುಕ್ತ ಡಿ.ಎಸ್. ರಮೇಶ್ ತಿಳಿಸಿದ್ದಾರೆ.
ಪರಿಶೀಲನೆ ವೇಳೆ ಎರಡು ಕಟ್ಟಡಗಳು ಅನುಮೋದಿತ ನಕ್ಷೆಗೆ ವಿರುದ್ಧವಾಗಿ ಮೂರನೇ ಮತ್ತು ನಾಲ್ಕನೇ ಮಹಡಿಗಳನ್ನು ಅಕ್ರಮವಾಗಿ ನಿರ್ಮಿಸಿರುವುದು ಬೆಳಕಿಗೆ ಬಂದಿದೆ. ಇದರ ಹಿನ್ನೆಲೆಯಲ್ಲಿ ನೇರವಾಗಿ ಧ್ವಂಸ ಕ್ರಮ ಕೈಗೊಂಡಿದೆ.
ಉಲ್ಲಂಘನೆ ವಿವರಗಳು
1. ಮಾಲಿನಿ ವಿಜಯಕುಮಾರ್
- ಸ್ವತ್ತಿನ ಸಂಖ್ಯೆ: 03, ಬ್ರಿಂದಾವನ ಬಡಾವಣೆ
- ಸೈಟ್: 30×40
- ಮಂಜೂರಾತಿ: ತಳ ಮಹಡಿ, ನೆಲ ಮಹಡಿ, ಮೊದಲ ಮತ್ತು ಎರಡನೇ ಮಹಡಿ
- ಉಲ್ಲಂಘನೆ: ಅನಧಿಕೃತ ಮೂರು ಮತ್ತು ನಾಲ್ಕನೇ ಮಹಡಿ
- ಸ್ಥಿತಿ: ಧ್ವಂಸ ಕಾರ್ಯ ಪ್ರಗತಿಯಲ್ಲಿದೆ.
2. ಶ್ರೀ ಶಿವಪ್ರಕಾಶ್
- ಸ್ವತ್ತಿನ ಸಂಖ್ಯೆ: 25A, ವೈಟ್ ರೋಸ್ ಬಡಾವಣೆ
- ಸೈಟ್: 30×50
- ಮಂಜೂರಾತಿ: ತಳ ಮಹಡಿ, ನೆಲ ಮಹಡಿ, ಮೊದಲ ಮತ್ತು ಎರಡನೇ ಮಹಡಿ
- ಉಲ್ಲಂಘನೆ: ಅನಧಿಕೃತ ಮೂರು ಮತ್ತು ನಾಲ್ಕನೇ ಮಹಡಿ
- ಸ್ಥಿತಿ: ತೆರವು ಕಾರ್ಯಾಚರಣೆ ನಡೆಯುತ್ತಿದೆ.
ಕಾನೂನು ಕ್ರಮ ಮತ್ತು ನೋಟಿಸ್‌ಗಳು
ಬಿಬಿಎಂಪಿ ಕಾಯ್ದೆ 2020ರ ಕಲಂ
- 248(1)
- 248(2)
- 248(3)
ರಂತೆ ಕಟ್ಟಡ ಮಾಲೀಕರಿಗೆ
- ಕಾರಣ ಕೇಳಿ ನೋಟಿಸ್
- ತಾತ್ಕಾಲಿಕ ಆದೇಶ
- ಸ್ಥಿರೀಕರಣ ಆದೇಶ
ಕೊಡಲಾಗಿತ್ತು.
ನೈಸರ್ಗಿಕ ನ್ಯಾಯದಡಿ ಸಾಕಷ್ಟು ಸಮಯ ನೀಡಿದ್ದರೂ, ಮಾಲೀಕರು ಅಕ್ರಮ ಭಾಗ ತೆರವುಗೊಳಿಸದ ಕಾರಣ, ಸ್ಥಿರೀಕರಣ ಆದೇಶದಂತೆ ಧ್ವಂಸ ಕ್ರಮ ಕೈಗೊಳ್ಳಲಾಗಿದೆ.