Home Uncategorized ಬಳಕೆಯಲ್ಲಿಲ್ಲದ ಕಾನೂನುಗಳನ್ನು ರದ್ದುಗೊಳಿಸುವ ಮಸೂದೆ ಲೋಕಸಭೆಯಲ್ಲಿ ಮಂಡನೆ

ಬಳಕೆಯಲ್ಲಿಲ್ಲದ ಕಾನೂನುಗಳನ್ನು ರದ್ದುಗೊಳಿಸುವ ಮಸೂದೆ ಲೋಕಸಭೆಯಲ್ಲಿ ಮಂಡನೆ

1
0
bengaluru

ದೆಹಲಿ: 137 ವರ್ಷಗಳ ಹಿಂದೆ ಜಾರಿಗೆ ತಂದ 60 ಕ್ಕೂ ಹೆಚ್ಚು ಬಳಕೆಯಲ್ಲಿಲ್ಲದ ಕಾನೂನುಗಳನ್ನು ರದ್ದುಗೊಳಿಸುವ ಮಸೂದೆಯನ್ನು ಲೋಕಸಭೆಯಲ್ಲಿ (Loksabha) ಸೋಮವಾರ ಮಂಡಿಸಲಾಗಿದೆ. ರದ್ದುಗೊಳಿಸುವಿಕೆ ಮತ್ತು ತಿದ್ದುಪಡಿ ಮಸೂದೆ, 2022 (Repealing and Amending Bill) ಕೆಲವು ಪದಗಳನ್ನು ಬದಲಿಸುವ ಮೂಲಕ ಮತ್ತೊಂದು ಕಾನೂನಿನಲ್ಲಿರುವ “ಪೇಟೆಂಟ್ ದೋಷ” ವನ್ನು ಸರಿಪಡಿಸುವ ಗುರಿಯನ್ನು ಹೊಂದಿದೆ. ಕೇಂದ್ರ ಕಾನೂನು ಸಚಿವ ಕಿರಣ್ ರಿಜಿಜು (Kiren Rijiju) ಅವರು ಪ್ರಾಯೋಗಿಕವಾಗಿ ಜಾರಿಗೆ ತಂದಿರುವ ಈ ಮಸೂದೆಯು ನಿಯತಕಾಲಿಕವಾಗಿ ಜಾರಿಯಲ್ಲಿಲ್ಲದಿರುವ ಅಥವಾ ಬಳಕೆಯಲ್ಲಿಲ್ಲದ ಅಥವಾ ಪ್ರತ್ಯೇಕ ಕಾಯಿದೆಯಾಗಿ ಉಳಿಸಿಕೊಳ್ಳುವುದು ಅನಗತ್ಯವಾದ ಕಾಯಿದೆಗಳನ್ನು ರದ್ದುಗೊಳಿಸುವ ಕ್ರಮಗಳಲ್ಲಿ ಒಂದಾಗಿದೆ.ಇಂಥಾ ಮಸೂದೆಗಳು ಕಾನೂನಿನಲ್ಲಿ  ಪತ್ತೆಯಾಗಿರುವ ದೋಷಗಳನ್ನು ಸರಿಪಡಿಸುತ್ತವೆ. ಈ ಮಸೂದೆ ಭೂ ಸ್ವಾಧೀನ (ಗಣಿ) ಕಾಯಿದೆ 1885ಯನ್ನು ರದ್ದುಗೊಳಿಸಲು ಪ್ರಸ್ತಾಪಿಸುತ್ತದೆ. ಇದು ಟೆಲಿಗ್ರಾಫ್ ವೈರ್ಸ್ (ಕಾನೂನುಬಾಹಿರ ಸ್ವಾಧೀನ) ಮಸೂದೆ 1950ನ್ನೂ ರದ್ದುಗೊಳಿಸಲು ಹೇಳುತ್ತದೆ. ಕಾನೂನಿನ ಅಡಿಯಲ್ಲಿ ಯಾರ ಬಳಿಯಾದರೂ ಟೆಲಿಗ್ರಾಫ್ ವೈರ್​​ಗಳು ಪತ್ತೆಯಾದಲ್ಲಿ ಅಥವಾ ಟೆಲಿಗ್ರಾಫ್ ವೈರ್​​ಗಳನ್ನು ಇಟ್ಟು ಕೊಂಡಿರುವುದು ಕಂಡುಬಂದಲ್ಲಿ, ಅವರು ಕಾನೂನು ಪ್ರಕಾರವಾಗಿ ಅದನ್ನು ಇಟ್ಟುಕೊಂಡಿಲ್ಲ ಅಂತಾದರೆ ಅದು ಶಿಕ್ಷಾರ್ಹ. ಮೊದಲ ಬಾರಿ ಈ ರೀತಿ ತಪ್ಪು ಮಾಡಿದ್ದರೆ 5 ವರ್ಷದವರೆಗೆ ಜೈಲು ಶಿಕ್ಷೆ ಅಥವಾ ದಂಡ ವಿಧಿಸಲಾಗುತ್ತದೆ.

Union Minister @KirenRijiju introduced the Repealing and Amending Bill 2022 in Lok Sabha today.

The Bill seeks to repeal redundant and obsolete laws. pic.twitter.com/0RHW0zWRSF

— Prasar Bharati News Services & Digital Platform (@PBNS_India) December 19, 2022

bengaluru

ಅದೇ ವೇಳೆ ಈ ಮಸೂದೆ ಇತ್ತೀಚಿನ ದಿನಗಳಲ್ಲಿ ಸಂಸತ್ತು ಅಂಗೀಕರಿಸಿದ ಕೆಲವು ವಿನಿಯೋಗ ಕಾಯಿದೆಗಳನ್ನು ರದ್ದುಗೊಳಿಸಲು ಪ್ರಯತ್ನಿಸುತ್ತದೆ. ಒಮ್ಮೆ ಪ್ರಧಾನ ಕಾಯ್ದೆಯನ್ನು ತಿದ್ದುಪಡಿ ಮಾಡಿದರೆ, ತಿದ್ದುಪಡಿ ಕಾನೂನುಗಳು ಅದರ ಪ್ರಸ್ತುತತೆಯನ್ನು ಕಳೆದುಕೊಳ್ಳುತ್ತದೆ. ಸ್ವತಂತ್ರ ಕಾನೂನುಗಳಂತೆ ಶಾಸನ ಪುಸ್ತಕಗಳಲ್ಲಿ ಅವರ ಉಪಸ್ಥಿತಿಯು ಅನಗತ್ಯವಾಗುತ್ತದೆ ಮತ್ತು ಅವು ವ್ಯವಸ್ಥೆಯನ್ನು ಮುಚ್ಚಿಹಾಕುತ್ತವೆ.

ಇದನ್ನೂ ಓದಿ: ಹಸುವಿನ ಹಾಲು ಕರೆಯಲು ಎಲ್ಲರಿಗೂ ಸಾಧ್ಯ, ನಾವು ಎತ್ತಿನ ಹಾಲು ಕರೆದೆವು: ಗುಜರಾತ್ ಚುನಾವಣೆ ಬಗ್ಗೆ ಕೇಜ್ರಿವಾಲ್

ಈ ಮಸೂದೆಯ ಮೂರನೇ ಅಧ್ಯಾಯದ ಸೆಕ್ಷನ್ 31A, ಸಬ್ ಸೆಕ್ಷನ್ (3) ಪ್ರಕಾರ, that Central Government  ಪದಗಳಿಗೆ, ” that Government ” ಪದಗಳನ್ನು ದಿ ಫ್ಯಾಕ್ಟರಿಂಗ್ ರೆಗ್ಯುಲೇಶನ್ ಆಕ್ಟ್, 2011 ರಲ್ಲಿ ಬದಲಿಸಲಾಗುತ್ತದೆ.

ಕಳೆದ ವಾರ ರಾಜ್ಯಸಭೆಯಲ್ಲಿ ಲಿಖಿತ ಉತ್ತರದಲ್ಲಿ, ರಿಜಿಜು ಅವರು ಮೇ, 2014 ರಿಂದ ಇಲ್ಲಿಯವರೆಗೆ 1,486 ಬಳಕೆಯಲ್ಲಿಲ್ಲದ ಮತ್ತು ಅನಗತ್ಯವಾದ ಕೇಂದ್ರ ಕಾಯ್ದೆಗಳನ್ನು ರದ್ದುಗೊಳಿಸಲಾಗಿದೆ ಎಂದು ಹೇಳಿದ್ದರು. ಇದಲ್ಲದೆ, ರಾಜ್ಯ ವಿಷಯಕ್ಕೆ ಸಂಬಂಧಿಸಿದ 76 ಕೇಂದ್ರ ಕಾಯಿದೆಗಳನ್ನು ಸಹ ಸಂಬಂಧಪಟ್ಟ ರಾಜ್ಯ ಶಾಸಕಾಂಗವು ರದ್ದುಗೊಳಿಸಿದೆ.

ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

bengaluru

LEAVE A REPLY

Please enter your comment!
Please enter your name here