ಸಂಗ್ರಹ ಚಿತ್ರ: ಬೆಂಗಳೂರು ಉತ್ತರದ ಇ-ಖಾತಾ ಸೇವಾ ಕೇಂದ್ರದಲ್ಲಿ ನಾಗರಿಕರು ಮತ್ತು ಸಿಬ್ಬಂದಿ. ಚಿತ್ರ: ಜಿಬಿಎ
ಬೆಂಗಳೂರು: ಗ್ರೇಟರ್ ಬೆಂಗಳೂರು ಪ್ರಾಧಿಕಾರ (ಜಿಬಿಎ) ನವೆಂಬರ್ 14ರ ಶನಿವಾರ ಎಲ್ಲ 64 ಸಹಾಯಕ ಕಂದಾಯ ಅಧಿಕಾರಿ (ಎಆರ್‌ಒ) ಕಚೇರಿಗಳಲ್ಲಿ ಇ-ಖಾತಾ ಓಪನ್ ಹೌಸ್ ಆಯೋಜಿಸಿದೆ. ಆಸ್ತಿ ಮಾಲೀಕರು ಬೆಳಿಗ್ಗೆ 10ರಿಂದ ಸಂಜೆ 5ರವರೆಗೆ ಕಚೇರಿಗೆ ಭೇಟಿ ನೀಡಿ ಇ-ಖಾತಾ ಸೇವೆಗಳ ಕುರಿತು ನೆರವು ಪಡೆಯಬಹುದು ಹಾಗೂ ತಮ್ಮ ಅಹವಾಲುಗಳನ್ನು ಸಲ್ಲಿಸಬಹುದು.
ಇ-ಖಾತಾ ಅರ್ಜಿ ಸಲ್ಲಿಸಲು ಅಧಿಕಾರಿಗಳು ನೆರವು ನೀಡಲಿದ್ದು, ಅಹವಾಲುಗಳನ್ನು ಸ್ಥಳದಲ್ಲೇ ಬಗೆಹರಿಸಲು ಕ್ರಮ ಕೈಗೊಳ್ಳಲಿದ್ದಾರೆ. ಭೂ ಗ್ಯಾರಂಟಿ ಯೋಜನೆಯಡಿ ಜಿಬಿಎ ನಡೆಸುತ್ತಿರುವ ‘ನನ್ನ ಇ-ಖಾತಾ, ನನ್ನ ಹಕ್ಕು’ ಅಭಿಯಾನದ ಭಾಗವಾಗಿ ಈ ಕಾರ್ಯಕ್ರಮ ನಡೆಯಲಿದೆ.
ಪ್ರತಿ ಶನಿವಾರ ಇ-ಖಾತಾ ಓಪನ್ ಹೌಸ್ ನಡೆಯಲಿದೆ ಎಂದು ಜಿಬಿಎ ತಿಳಿಸಿದೆ. ಸಮೀಪದ ಕಚೇರಿಯ ವಿವರವನ್ನು ಜಿಬಿಎ ಪ್ರಕಟಣೆಯಲ್ಲಿರುವ ಲಿಂಕ್ ಮೂಲಕ ಪಡೆಯಬಹುದು. ಜಿಬಿಎಯ ಇ-ಆಸ್ತಿ ಪೋರ್ಟಲ್ ಮೂಲಕವೂ ಇ-ಖಾತಾಗೆ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಬಹುದು.
