ಬಂಟ್ವಾಳ: ದಕ್ಷಿಣ ಕನ್ನಡ ಜಿಲ್ಲೆಯ ಬಂಟ್ವಾಳ ತಾಲೂಕಿನ ಮೂಲಕ ಹಾದುಹೋಗುವ ಕಟಪಾಡಿ–ಅಬ್ಬಕ್ಕ ವೃತ್ತ (ರಾಜ್ಯ ಹೆದ್ದಾರಿ-300) ರಸ್ತೆಯ ಗುಂಡಿಗಳನ್ನು ಡಾಂಬರ್ ಪ್ಯಾಚ್ ಮೂಲಕ ಮುಚ್ಚಲಾಗಿದ್ದು, ಬಂಟ್ವಾಳ ಪೇಟೆಗೆ ಸಂಪರ್ಕಿಸುವ ಭಾಗ ಸೇರಿದಂತೆ ಸಂಪೂರ್ಣ ರಸ್ತೆಯನ್ನು ವಾಹನ ಸಂಚಾರಕ್ಕೆ ಯೋಗ್ಯಗೊಳಿಸಲಾಗಿದೆ ಎಂದು ಮುಖ್ಯಮಂತ್ರಿ ಸಚಿವಾಲಯ ತಿಳಿಸಿದೆ.
ರಸ್ತೆಯಲ್ಲಿ ಭಾರಿ ಹೊಂಡ-ಗುಂಡಿಗಳು ಬಿದ್ದು ವಾಹನ ಸವಾರರು ಪರದಾಡುತ್ತಿರುವ ಕುರಿತು ದಿನಪತ್ರಿಕೆಯಲ್ಲಿ ಪ್ರಕಟವಾದ ವರದಿಯನ್ನು ಮುಖ್ಯಮಂತ್ರಿ ಸಚಿವಾಲಯ ಅತ್ಯಂತ ಗಂಭೀರವಾಗಿ ಪರಿಗಣಿಸಿತ್ತು. ಅದರ ನಿರ್ದೇಶನದ ಮೇರೆಗೆ ಲೋಕೋಪಯೋಗಿ ಇಲಾಖೆ ಅಧಿಕಾರಿಗಳು ಸ್ಥಳ ಪರಿಶೀಲನೆ ನಡೆಸಿ ತ್ವರಿತ ಕ್ರಮ ಕೈಗೊಂಡಿದ್ದಾರೆ ಎಂದು ಸಚಿವಾಲಯ ಎಕ್ಸ್‌ನಲ್ಲಿ ತಿಳಿಸಿದೆ.
The Chief Minister’s Office took a newspaper report about motorists struggling on the badly potholed Katapadi–Abbakka Circle (State Highway-300) road passing through Bantwal taluk in Dakshina Kannada district very seriously.
— CM of Karnataka (@CMofKarnataka) November 11, 2026
ಮಳೆಗಾಲದ ಹಿನ್ನೆಲೆಯಲ್ಲಿ ಈ ಹಿಂದೆ ತಾತ್ಕಾಲಿಕವಾಗಿ ಮುಚ್ಚಲಾಗಿದ್ದ ರಸ್ತೆಯ ಗುಂಡಿಗಳನ್ನು ಇದೀಗ ಡಾಂಬರ್ ಪ್ಯಾಚ್ ಕಾಮಗಾರಿಯ ಮೂಲಕ ವ್ಯವಸ್ಥಿತವಾಗಿ ಮುಚ್ಚಲಾಗಿದೆ.
ಅತಿಯಾದ ಭಾರ ಹೊತ್ತ ಲಾರಿಗಳ ನಿರಂತರ ಓಡಾಟದಿಂದ ಹಾನಿಗೊಳಗಾಗುತ್ತಿರುವ ಈ ರಸ್ತೆಯ ಸಂಚಾರ ನಿಯಂತ್ರಣಕ್ಕೆ ಆರ್‌ಟಿಒ ಅಧಿಕಾರಿಗಳಿಗೆ ಪತ್ರ ಬರೆಯಲಾಗಿದೆ. ಬಂಟ್ವಾಳ ಕ್ಷೇತ್ರಕ್ಕೆ ಒಟ್ಟು ₹12 ಕೋಟಿ ಅನುದಾನದ ಪ್ರಸ್ತಾವನೆಯನ್ನು ಸಲ್ಲಿಸಲಾಗಿದೆ ಎಂದು ಮುಖ್ಯಮಂತ್ರಿ ಸಚಿವಾಲಯ ತಿಳಿಸಿದೆ.
