ಸಂಗ್ರಹ ಚಿತ್ರ: ಅಕ್ಟೋಬರ್ 19ರಂದು ಕೆಎಸ್ಆರ್ ಬೆಂಗಳೂರು ನಿಲ್ದಾಣದಲ್ಲಿ ನಡೆದ ರೈಲ್ ಜನ ಸಂವಾದ ಕಾರ್ಯಕ್ರಮದಲ್ಲಿ ಪ್ರಯಾಣಿಕರು ಮತ್ತು ನೈಋತ್ಯ ರೈಲ್ವೆ ಅಧಿಕಾರಿಗಳು. ಚಿತ್ರ: ನೈಋತ್ಯ ರೈಲ್ವೆ
ಬೆಂಗಳೂರು: ಛಟ್ ಹಬ್ಬದ ನಂತರದ ಹೆಚ್ಚುವರಿ ಪ್ರಯಾಣಿಕರ ದಟ್ಟಣೆ ನಿವಾರಿಸಲು ಪೂರ್ವ ಮಧ್ಯ ರೈಲ್ವೆ ನವೆಂಬರ್ 19 ಮತ್ತು 20ರಂದು ದಾನಾಪುರದಿಂದ ಬೆಂಗಳೂರು ಕಂಟೋನ್ಮೆಂಟ್ಗೆ ಎರಡು ಏಕಮುಖ ವಿಶೇಷ ರೈಲುಗಳನ್ನು ಓಡಿಸಲಿದೆ ಎಂದು ನೈಋತ್ಯ ರೈಲ್ವೆ ಪ್ರಕಟಣೆಯಲ್ಲಿ ತಿಳಿಸಿದೆ.
ರೈಲು ಸಂಖ್ಯೆ 03241 ದಾನಾಪುರ–ಬೆಂಗಳೂರು ಕಂಟೋನ್ಮೆಂಟ್ ಏಕಮುಖ ವಿಶೇಷ ರೈಲು ನವೆಂಬರ್ 19ರಂದು ಸಂಜೆ 18:00 ಗಂಟೆಗೆ ದಾನಾಪುರದಿಂದ ಹೊರಟು ನವೆಂಬರ್ 21ರಂದು ಮಧ್ಯಾಹ್ನ 15:30ಕ್ಕೆ ಬೆಂಗಳೂರು ಕಂಟೋನ್ಮೆಂಟ್ ತಲುಪಲಿದೆ. ಇದರಲ್ಲಿ ಸ್ಲೀಪರ್ ಕ್ಲಾಸ್, ಜನರಲ್ ಕ್ಲಾಸ್ ಮತ್ತು ಲಗೇಜ್-ಕಂ-ಬ್ರೇಕ್ ವ್ಯಾನ್ಗಳು ಸೇರಿದಂತೆ 19 ಕೋಚ್ಗಳಿರುತ್ತವೆ.
ರೈಲು ಸಂಖ್ಯೆ 03245 ದಾನಾಪುರ–ಬೆಂಗಳೂರು ಕಂಟೋನ್ಮೆಂಟ್ ಏಕಮುಖ ಕಾಯ್ದಿರಿಸದ ವಿಶೇಷ ರೈಲು ನವೆಂಬರ್ 20ರಂದು ಸಂಜೆ 18:00 ಗಂಟೆಗೆ ದಾನಾಪುರದಿಂದ ಹೊರಟು ನವೆಂಬರ್ 22ರಂದು ಮಧ್ಯಾಹ್ನ 15:30ಕ್ಕೆ ಬೆಂಗಳೂರು ಕಂಟೋನ್ಮೆಂಟ್ ತಲುಪಲಿದೆ. ಇದರಲ್ಲಿ ಜನರಲ್ ಕ್ಲಾಸ್ ಮತ್ತು ಲಗೇಜ್-ಕಂ-ಬ್ರೇಕ್ ವ್ಯಾನ್ಗಳು ಸೇರಿದಂತೆ 18 ಕೋಚ್ಗಳಿರುತ್ತವೆ.
ಎರಡೂ ರೈಲುಗಳು ಆರಾ, ಬಕ್ಸಾರ್, ಪಂಡಿತ್ ದೀನದಯಾಳ್ ಉಪಾಧ್ಯಾಯ ಜಂಕ್ಷನ್, ಮಿರ್ಜಾಪುರ, ಪ್ರಯಾಗ್ರಾಜ್ ಛೇಕಿ, ಸಟ್ನಾ, ಕಟ್ನಿ, ಜಬಲ್ಪುರ, ಇಟಾರ್ಸಿ, ನಾಗ್ಪುರ, ಬಲ್ಹಾರ್ಷಾ, ರಾಮಗುಂಡಂ, ವಾರಂಗಲ್, ಖಮ್ಮಂ, ವಿಜಯವಾಡ, ಒಂಗೋಲ್, ನೆಲ್ಲೂರು, ಗೂಡೂರು, ಪೆರಂಬೂರ್, ಕಟ್ಪಾಡಿ, ಜೋಲಾರ್ಪೇಟೆ ಮತ್ತು ಬಂಗಾರಪೇಟೆ ನಿಲ್ದಾಣಗಳಲ್ಲಿ ನಿಲುಗಡೆ ಹೊಂದಿರಲಿವೆ.
