ಮೈಸೂರು:
ತಾಂತ್ರಿಕ ತೊಂದರೆಯಿಂದಾಗಿ ಬೆಳಗಾವಿ-ಮೈಸೂರು ‘ಟ್ರೂ ಜೆಟ್’ ವಿಮಾನ ಸೋಮವಾರ ರಾತ್ರಿ ಮೈಸೂರಿನಲ್ಲಿ ಇಳಿಯಲು ಸಾಧ್ಯವಾಗದ ಕಾರಣ ಚೆನ್ನೈಗೆ ಮಾರ್ಗ ಬದಲಾಯಿಸಿರುವ ಘಟನೆ ನಡೆದಿದೆ.
ತಾವು ಸೇರಬೇಕಿದ್ದ ಸ್ಥಳ ತಲುಪಲು ಸಾಧ್ಯವಾಗದ ಪರಿಸ್ಥಿತಿಯ ನಡುವೆಯೂ ವಿಮಾನಯಾನ ಸಂಸ್ಥೆ ಸರಿಯಾಗಿ ಸ್ಪಂದಿಸಲಿಲ್ಲ ಎಂದು ಪ್ರಯಾಣಿಕರು ದೂರಿದ್ದಾರೆ.
ಮೈಸೂರಿನಲ್ಲಿ ಇಳಿಯಲು ಪ್ರಯತ್ನಿಸುತ್ತಿದ್ದ ವಿಮಾನದಲ್ಲಿ ಜೋರಾಗಿ ಶಬ್ದ ಕೇಳಿಬಂದಿದೆ ಎಂದು ಅದರಲ್ಲಿದ್ದ ಬೆಳಗಾವಿಯ ಕೈಗಾರಿಕೋದ್ಯಮಿ ಸಚಿನ್ ಸಬ್ನಿಸ್ ಹೇಳಿದ್ದಾರೆ. ಆದರೂ, ವಿಮಾನ ಮೈಸೂರಿನಲ್ಲಿ ಇಳಿಯದೆ ಹೊರಟಿತು. ವಿಮಾನ ಚೆನ್ನೈನಲ್ಲಿ ಇಳಿದಾಗ ಅದರ ಒಂದು ಬದಿ ಓರೆಯಾಗಿ ಕಾಣಿಸಿಕೊಂಡಿದೆ. ಲ್ಯಾಂಡಿಂಗ್ ಗೇರ್ ನ ವೈಫಲ್ಯದಿಂದ ಓರೆಯಾಗಿರುವ ಅನುಮಾನವಿದೆ ಎಂದು ಪ್ರಯಾಣಿಕ ಸಬ್ನಿಸ್ ಹೇಳಿದ್ದಾರೆ.
ವಿಮಾನ ಚೆನ್ನೈಗೆ ಬಂದಿಳಿದ ನಂತರ ಅರ್ಧ ಘಂಟೆಯವರೆಗೆ ಪ್ರಯಾಣಿಕರನ್ನು ಸ್ಥಳಾಂತರಿಸಲಿಲ್ಲ. ‘ನಾವು ಎರಡು ಗಂಟೆಗಳ ಕಾಲ ಆಹಾರ ಅಥವಾ ಯಾವುದೇ ಸಹಾಯವಿಲ್ಲದೆ ಸಿಕ್ಕಿಹಾಕಿಕೊಂಡಿದ್ದೆವು. ವಿಚಾರಿಸಲು ಕಿರಿಯ ಸಿಬ್ಬಂದಿ ಮಾತ್ರ ಇದ್ದರು. ಪ್ರಾಣಾಪಾಯದಿಂದ ಪಾರಾದ ಅದೃಷ್ಟವಂತರು ನಾವಾಗಿದ್ದೇವೆ ಎಂದು ಅವರು ಹೇಳಿದ್ದಾರೆ.
ಇಂತಹ ಸಂಭವನೀಯತೆಗಳಿಗಾಗಿ ಏರ್ ಲೈನ್ಸ್ ತಾನಾಗಿಯೇ ತರಬೇತಿ ಪಡೆಯಬೇಕಾಗಿದೆ, ಎಂದು ಸಬ್ನಿಸ್ ಹೇಳಿದ್ದಾರೆ.
ವಿಮಾನ ಮಾರ್ಗ ಬದಲಾವಣೆಗೆ ಕೆಟ್ಟ ಹವಾಮಾನ ಮತ್ತು ಮಳೆ ಕಾರಣವಾಗಿತ್ತು. ವಿಮಾನವನ್ನು ಇಳಿಯುವುದನ್ನು ಸ್ಥಗಿತಗೊಳಿಸುವ ಅಥವಾ ಮಾರ್ಗ ಬದಲಿಸುವ ನಿರ್ಧಾರ ಸಂಪೂರ್ಣವಾಗಿ ವಿವಿಧ ಮಾನದಂಡಗಳನ್ನು ಆಧರಿಸಿದ ಪೈಲಟ್ಗಳ ನಿರ್ಧಾರವಾಗಿದೆ ಎಂದು ಮೈಸೂರು ವಿಮಾನ ನಿಲ್ದಾಣದ ನಿರ್ದೇಶಕ ಆರ್ ಮಂಜುನಾಥ್ ಬುಧವಾರ ಹೇಳಿದ್ದಾರೆ.
