ಬೆಂಗಳೂರು:
ಸುಮಾರು ಎಂಟು ತಿಂಗಳ ಅಂತರದ ನಂತರ ನೈರುತ್ಯ ರೈಲ್ವೆ (ಎಸ್‌ಡಬ್ಲ್ಯುಆರ್) ಸೋಮವಾರದಿಂದ ಮಹಾನಗರದಿಂದ ಸುತ್ತಲಿನ ಪಟ್ಟಣಗಳ ನಡುವೆ ಕಾಯ್ದಿರಿಸದ ಪ್ರಯಾಣಿಕರ ಸೇವೆಯನ್ನು ಪುನರಾರಂಭಿಸಿದೆ.
ಮೈಸೂರು-ಬಂಗಾರಪೇಟೆ, ಬೆಂಗಳೂರು-ಮಾರಿಕುಪ್ಪಂ ಮತ್ತು ಹಿಂದೂಪುರ-ಯಶವಂತಪುರ ಪ್ಯಾಸೆಂಜರ್ ರೈಲುಗಳು ಸೋಮವಾರ ಪುನರಾರಂಭಗೊಂಡಿವೆ. ಈ ಮೂಲಕ ಆರು ರೈಲುಗಳನ್ನು ಓಡಿಸಲಾಗಿದೆ.ನೈರುತ್ಯ ರೈಲ್ವೆಯ ಬೆಂಗಳೂರು ವಿಭಾಗ, ಬೆಂಗಳೂರು ಕೆಎಸ್‍ಆರ್ ನಿಲ್ದಾಣದಿಂದ ತಮಿಳುನಾಡಿನ ಹೊಸೂರಿಗೆ ಮೆಮು ರೈಲು ಸೇವೆಯನ್ನೂ ಆರಂಭಿಸಿದೆ. ರೈಲ್ವೆ ಮಂಡಳಿಯಿಂದ ಅನುಮೋದನೆ ಪಡೆದ ನಂತರ ಈ ಸೇವೆ ಆರಂಭಿಸಲಾಗಿದೆ.ಮೊದಲ ದಿನದಲ್ಲಿ ಮಾರಿಕುಪ್ಪಂ-ಬೆಂಗಳೂರು-ಮಾರಿಕುಪ್ಪಂ ರೈಲಿಗೆ ಪ್ರಯಾಣಿಕರಿಂದ ಉತ್ತಮ ಪ್ರತಿಕ್ರಿಯೆ ದೊರೆತಿದೆ.
Historic Day: 1st passenger MEMU train reaching Bengaluru after lockdown. The honour to run this 1st train goes to LP Mr. M.P. Davis, ALP Mr. Suraj B Choudary and Guard Mr.
— DRM Bengaluru (@drmsbc) December 7, 2020
A. Parameshwar. Hon’ble MP Bengaluru Central Mr. PC Mohan interacted with the crew. @PiyushGoyal pic.twitter.com/qOwJffdZk5
On starting 1st passenger train from Tumkur today an awareness programme for COVID-19 was organised in which Hon’ble MP Mr Basavraj Ji also participated. 1st train after lockdown on this route was Train no 06554,Tumkur to YPR. TK departure 07.30 hrs and YPR arrival 09.00 hrs. pic.twitter.com/fmkkyOZ0dQ
— DRM Bengaluru (@drmsbc) December 7, 2020
ಉಳಿದ ರೈಲುಗಳಿಗೆ ಹೆಚ್ಚು ಪ್ರತಿಕ್ರಿಯೆ ಕಂಡುಬಂದಿಲ್ಲ. ಜನರಿಗೆ ಹೆಚ್ಚು ಪರಿಚಿತವಾದ ನಂತರ ಪ್ರಯಾಣಿಕರ ಸಂಖ್ಯೆ ಹೆಚ್ಚಾಗುವ ನಿರೀಕ್ಷೆ ಇದೆ. ಮುಂದಿನ ದಿನಗಳಲ್ಲಿ ಬೇಡಿಕೆಯನುಸಾರ ರೈಲುಗಳನ್ನು ಓಡಿಸಲಾಗುವುದು. ಬೋಗಿಗಳ ಸಂಪೂರ್ಣ ಸ್ವಚ್ಛತೆ ಮತ್ತು ಕೋವಿಡ್‍-19 ಮಾರ್ಗಸೂಚಿಗಳನ್ನು ಕಡ್ಡಾಯವಾಗಿ ಪಾಲಿಸಲಾಗುವುದು ಎಂದು ನೈರುತ್ಯ ರೈಲ್ವೆ ಬೆಂಗಳೂರು ವಿಭಾಗದ ಉಪ ಪ್ರಾದೇಶಿಕ ಮೇಲ್ವಿಚಾರಕ ಅಶೋಕ್ ಕುಮಾರ್ ವರ್ಮಾ ಹೇಳಿದ್ದಾರೆ.
