ಬೆಂಗಳೂರು ಪಶ್ಚಿಮ ನಗರ ಪಾಲಿಕೆಯ ಅಧಿಕಾರ ಹಸ್ತಾಂತರ ಸಮಾರಂಭದಲ್ಲಿ ಶಿಲ್ಪಾ ನಾಗ್. ಫೋಟೋ: ಜಿಬಿಎ.
ಬೆಂಗಳೂರು: ಬೆಂಗಳೂರು ಪಶ್ಚಿಮ ನಗರ ಪಾಲಿಕೆಯ ಹತ್ತು ವಿಭಾಗಗಳ ತಲಾ ಒಂದು ಆಯ್ದ ವಾರ್ಡ್‌ನಲ್ಲಿ ‘ವಾರ್ಡ್ ಒನ್’ ಅಭಿಯಾನದ ಎರಡನೇ ಹಂತಕ್ಕೆ ಶನಿವಾರ ಚಾಲನೆ ನೀಡಲಾಯಿತು.
ಗ್ರೇಟರ್ ಬೆಂಗಳೂರು ಅಭಿವೃದ್ಧಿ ಸಚಿವ ಕೃಷ್ಣ ಬೈರೇಗೌಡ ಅವರ ಆದೇಶದಂತೆ ಹಾಗೂ ಪಶ್ಚಿಮ ನಗರ ಪಾಲಿಕೆ ಆಯುಕ್ತೆ ಶಿಲ್ಪಾ ನಾಗ್ ಸಿ.ಟಿ. ಅವರ ನಿರ್ದೇಶನದಂತೆ, ಎಲ್ಲಾ ವಾರ್ಡ್‌ಗಳಲ್ಲಿ ಗುಣಮಟ್ಟದ ಮೂಲಸೌಕರ್ಯ, ಸ್ವಚ್ಛ ಹಾಗೂ ಆರೋಗ್ಯಕರ ವಾತಾವರಣ, ಸುರಕ್ಷಿತ ರಸ್ತೆ ಮತ್ತು ಪಾದಚಾರಿ ಮಾರ್ಗ, ಸುಗಮ ಸಂಚಾರ ನಿರ್ವಹಣೆ ಹಾಗೂ ಅಗತ್ಯ ನಾಗರಿಕ ಸೌಲಭ್ಯಗಳನ್ನು ಖಚಿತಪಡಿಸಲು ನವೆಂಬರ್ 1ರಿಂದ ಈ ಅಭಿಯಾನ ನಡೆಯುತ್ತಿದೆ.
ವಲಯ 1ರಲ್ಲಿ ರಾಜರಾಜೇಶ್ವರಿನಗರ ವಿಭಾಗದ ಜ್ಞಾನಭಾರತಿ ವಾರ್ಡ್-25 (ಉಳ್ಳಾಲ ಜಂಕ್ಷನ್), ಕೆಂಗೇರಿ ವಿಭಾಗದ ಉಳ್ಳಾಲ ವಾರ್ಡ್-16 (ಮುದ್ದಿನಪಾಳ್ಯ ಜಂಕ್ಷನ್), ಹೆಗ್ಗನಹಳ್ಳಿ ವಿಭಾಗದ ನಾಗಸಂದ್ರ ವಾರ್ಡ್-1 (ಎಸ್‌ಎಸ್‌ಎಂ ಶಾಲೆ ಬಳಿಯ ವಿಶಾಲ್ ಮಾರ್ಟ್) ಹಾಗೂ ಮಹಾಲಕ್ಷ್ಮಿಪುರ ವಿಭಾಗದ ನಾಗಪುರ ವಾರ್ಡ್ (ಕಮಲಮ್ಮ ಗುಂಡಿ ಸುತ್ತಮುತ್ತ) ಎರಡನೇ ಹಂತದಲ್ಲಿವೆ.
ವಲಯ 2ರಲ್ಲಿ ಮಲ್ಲೇಶ್ವರ ವಿಭಾಗದ ಸದಾಶಿವನಗರ ವಾರ್ಡ್-50 (ಅಶ್ವತ್ಥನಗರ ಮತ್ತು ಡಾಲರ್ಸ್ ಕಾಲೋನಿ), ರಾಜಾಜಿನಗರ ವಿಭಾಗದ ಶ್ರೀರಾಮ ಮಂದಿರ ವಾರ್ಡ್ (3ನೇ ಕ್ರಾಸ್, ಎಸ್‌ಎಸ್‌ಐ ಪ್ರದೇಶ), ಬಸವನಗುಡಿ ವಿಭಾಗದ ಕೆಂಪಾಂಬುಧಿ ವಾರ್ಡ್-101 (ಲಕ್ಷ್ಮೀಪುರ ಮುಖ್ಯರಸ್ತೆ-ಪೈಪ್‌ಲೈನ್ ರಸ್ತೆ ನಡುವಿನ 5ನೇ ಮುಖ್ಯರಸ್ತೆ), ಗೋವಿಂದರಾಜನಗರ ವಿಭಾಗದ ಮಾರುತಿಮಂದಿರ ವಾರ್ಡ್-77 (ಬಿಎಂಟಿಸಿ ಬಸ್ ನಿಲ್ದಾಣ ಬಳಿಯ ವೈಟ್ ಪೆಟಲ್ ರಸ್ತೆ), ವಿಜಯನಗರ ವಿಭಾಗದ ಅತ್ತಿಗುಪ್ಪೆ ವಾರ್ಡ್-82 (80 ಅಡಿ ರಸ್ತೆ) ಹಾಗೂ ಯಡಿಯೂರು ವಿಭಾಗದ ಗಣೇಶಮಂದಿರ ವಾರ್ಡ್-108 (ದೇವೇಗೌಡ ಪೆಟ್ರೋಲ್ ಬಂಕ್‌ನಿಂದ 9ನೇ ಮುಖ್ಯರಸ್ತೆ ಬನಶಂಕರಿ ಪೊಲೀಸ್ ಠಾಣೆವರೆಗಿನ ಅತ್ತಿಮಬ್ಬೆ ರಸ್ತೆ) ಸೇರಿವೆ.
ಇದನ್ನೂ ಓದಿ: ವಾರ್ಡ್ ಒನ್ ಅಭಿಯಾನ: ಬೆಂಗಳೂರಿನಲ್ಲಿ ಪಾದಚಾರಿ ಮಾರ್ಗ ದುರಸ್ತಿ, ಒತ್ತುವರಿ ತೆರವು, ಬೀದಿ ದೀಪ ಅಳವಡಿಕೆ
